تورتة. شيكولاتة مقدمة من الشيف المميزة ايمان شلبى

تورته شيكولاته
مقدم من الشيف / ايمان شلبي
المقادير
 الكيكه الاسفنجيه
350 جرام دقيق
200 جرام سكر
50 جرام محسن كيك جيل
50 جرام نشأ
10 بيض
 فانليا
كوب مياه صغير
الطريقه
نضرب البيض والسكر والفانليا والمحسن كويس لحد ما تبقى هشه زى الكريمه بعد كده ننزل بالمياه بعد كده ننزل بالدقيق والبيكنج بودر والنشا ونعجنهم شويه ونجيب صنيه مدوره مقاس 30 سم ونفرشها ورق ذبده ونصب العجينه فيها وتدخل الفرن على درجة حراره 180 لمدة 45    تطلع من الفرن تبرد فتحها على تلت رقات او اربعه او علي حسب تقطيعك  ونحشيها ونغلفها كريمه ونسبها شويه فى التلاجه
ونحضر صوص الجناش
المقادير
كيلو وربع شوكولاته خام
نص لتر مياه معلقة كاكاو كبيره معلقة كريمه شانتيه بورده 50 جرام ذبده  2 معلاقه عسل جلوكوز
الطريقه
نغلى المياه والكاكاو والكريمه كويس وبعد ماتغلى وطى النار اوى ونكون بشرين الشيكولاته وننزل الشيكولاته فى المياه المغليه ونقلبها بمعلقه ثم تضيف العسل لحد ماتسيح بعد كده نطفى النار ونحط قطعة الذبده على الوش تسيح ونقلب الجناش ونصب علي التورت بعد ميبرد في حراره 30 : 35 وتترك تصفي تماما  ثم اضع الوان جل علي الكريمه المتبقيه واعمل وردات بتيولب الورد البلدي  او اي شكل علي حسب الذوق      
مديرة قسم المطبخ أ/ناهد هشام ومروه جميل