الحمام الكداب مقدم من الشيف نجلاء النجار -موقع واذاعه اخبار العرب

الحمام الكداب من مطبخي نجلاء النجار مده التحضير 10 دقايق مده الطهي ساعه الطريقه بنجيب وراك فراخ وننقعها كويس جدا فى ماء وملح وخل وليمون لمده ساعه او أكتر وبعدين نشطفها وندقها بشكوش المطبخ عشان نفتح مسامها وكمان تفرد معاكى وبعدين نتبلها ملح وفلفل بسيط ونغطيها ونسبها فى التلاجه لحد ما نحضر الحشو الحشو بقى عبارة عن ارز المحشى وكلنا أساتذه فى عمل المحشى بس فى التسويه بقى نضع الارز وعليه ماء مغلى بسيط يدوب يغطى الأرز ونقلب ونهدى عليه مع التقليب المستمر مجرد ميتشرب الميه نطفى ونضعه فى طبق واسع ونتركه يبرد وبعدين نحشى الورك زى الصوره ونلفه رول ونقفله بخله أسنان ونلفه فى ورق حرارى كويس ونضعه فى ماء مغلى ومعاه ورق لورا وحبهان وفلفل أسود وقرفه وملح وبصله وجزرة مقطعه حلقات ونغطى وتترك حتى تسوى لمده نصف ساعه ونخرجها ونفكها وندهنها عسل أبيض الفرن ونحمرها تحت الشوايه وبالف هنا مديرة قسم المطبخ أ/ناهد هشام ومروه جميل