مقدمه من المتميزه / سمر سنه
مده التحضير 10 دقايق
مده السوا 40 دقيقه
المقادير
الكيكة الاسفنجية:
كوب ونصف دقيق -كوب سكر -نصف كوب زيت -9 بيضات - ربع كوب كاكاو غامق خام يستبدل بدل ربع كوب دقيق -فانيليا- عصرة نصف ليمونة -باكو بيكنج بودر -رشة ملح -رشة كربونات الصوديوم
1-يفصل البياض عن الصفار ويضرب الصفار لوحده بنصف كوب سكر وفانيليا والزيت وعصرة الليمون لحد مايغير لونه ويعلي
2- يضرب البياض بشرة ملح ونصف الكوب الباقي من السكر لحد مايبقي ميرنج وثابت يعمل منقار
3- ننخل المواد الجافة مع بعض ونسخن الفرن علي 180 درجة نقلب شوية شوية المواد الجافة المنخولة بالعملة من تحت لوق علي الصفار وننزل بالبياض شوية شوية لحد مايختلط
الجميع ونكون مبطنين صينية مقاس 26 بزيت ودقيق وورق زبدة ونصب الخليط ويدخل الفرن حوالي 45 دقيقة لحين التسوية
4- نطفي الفرن بعد التسوية ونتركها 5 دقايق لتهدء حتي لا تهبط ونطلعها ونتركها لتاني يوم ثم تقطع شرايح 3 طبقات أو 4
5- نضرب كريم شانتيه خام حوالي ربع كيلو ونحط عليه كاكاو خام غامق وممكن شوية صوص شيكولاتة ومضاف ليها شيكولاتة خام مذوبة وبتخلي طعمها يجنن
6- ونزين التورتة بعد مانحط الطبقات وبينها كريم شانتيه المضروب بالشيكولاته ونسقي الطبقات بسيرب ونغلفها ونحط علي الوش صوص شيكولاتة وكريم شانتيه وكور مالتيزر وتبرد قبل التقديم
رئيسه قسم فتافيت السكر الشيف / ايمان شلبي
ليست هناك تعليقات:
إرسال تعليق