كرواسون ألوان مقدمة من الشيف أسلام عصفور -موقع واذاعة اخبار العرب

كرواسون ألوان مقدم من إسلام عصفور مده التحضير حوالى ساعه أو أكتر مده الطهى من 15 إلى 20 دقيقه المكونات 5 كوب دقيق /معلقه صغيره ملح /معلقه صغيره بيكنج بودر 2 معلقه كبيره زبده بحرارة المطبخ معلقه كبيره زيت بيضه بحرارة المطبخ معلقه صغيره خل (بديل محسن الخبز) حليب دافى للعجن نص كوب ماء دافى معلقه كبيره خميره فوريه /معلقه كبيره سكر زبده للدهن الحشو نوتيلا وممكن مربى أو زبده الطريقه نضع الخميرة والسكر فى نص كوب الماء ونتركهم يتفاعلو ونخلط الدقيق والملح والبيكنج بودر ونضيف ملعقتين الزبده ومعلقه الزيت ونفركهم كويس مع الدقيق لما يبقى زى الرمل نضيف البيضه ونقلب ونضيف الخميرة ونكمل عجن بالحليب لما العجينه تلم معانا ونعجن على الأقل 10 دقايق لما تبقى ناعمه ونغطيها تخمر ونقطعها قطعتها 18 كوره وخدت كورتين ضفت لواحده لون أحمر وقلبت كويس لما اللون اختفى فى العجين والتانيه ضفت كاكاو وقلبتها كويس جدا وسبتهم يرتاحو 10 دقايق وخدت 8 كور وفردتهم وسط وندهن بين كل واحده زبده وآخر واحد لونها أحمر مندهنش وشها زبده ونركنهم ونفرد ال8 التانين بنفس الطريقه وآخر واحده البنى ومندهنش زبده ونغطيهم بكيس استرتش وندخلهم التلاجه ساعه ونطلع العجين ناخد أول 8 كور ونفردهم زى ما هما بحيث اللون الأحمر يكون فوق ويكون السمك وسط ونقطع مثلثات ونقلب المثلث نخلى الأحمر تحت ونحط النوتيلا أو الحشو اللى تحبوه ونلف رول لجوه وهكذا نقلب كل المثلثات ويكون اللون تحت والأبيض فوق ونعمل الكور الباقية البنى بنفس طريقه الفرد والحشو ومننساش بعد تقطيع المثلثات نقلبها ونحط الحشو ونلف لجوه ونسيب الكرواسون يخمر تانى حوالى نص ساعه لما حجمه يتضاعف ندهن الوش بيضه مضروبة مع معلقه حليب ورشه فانيليا وندخله الفرن على الرف فى النص على 180 ونتابعه لما القعر يتحمر نولع الشوايه الوش ياخد لون ونطلعه ونختبره بخله نشوفه استوى كويس من جوه جميل جدا وألوانه جذابه خصوصا للأطفال