تورتة ريد فيلفيت مقدمة من الشيف اسلام عصفور _موقع واذاعة اخبار العرب

ريد فيليفت بمناسبه عيد الحب❤❤
مقدمة من إسلام عصفور
مده التحضير 10 دقايق
مده الطهى من 40 إلى 45 دقيقه

المكونات
نص كيلو دقيق اسبونج أبيض
6 بيضات بحرارة المطبخ
نص كوب ماء
ربع كوب لون أحمر وممكن يزيد أو يقل على حسب درجه اللون المطلوبه
الحشو
ربع كيلو كريم شانتيه بودرة
كوب حليب متلج
كوب صغير كريمه حلويات
6 قطع جبنة كيرى

الطريقة
نولع الفرن على 180 أول خطوه
ونضرب الدقيق والبيض والماء بالمضرب الكهربا 10 دقايق لما الحجم يزيد ويتضاعف نضيف اللون الأحمر ونضرب لما اللون يتجانس مع الخليط ونبطن صينيه مقاس 24 بدقيق وسمنه وورق زبدة من الجوانب علشان بتعلى وندخلها الفرن على الشبكه فى النص على 180 ونفتح عليها بعد نص ساعه نختبرها نشوفها استوت ولما تستوى نسيبها فى الفرن 10 دقايق وبعدين نطلعها ونسيبها لتانى يوم ونشيل طبقه بسيطه من على الوش ونفتتها للتنزين الخارجى  ونقسمها ونسقى الطبقات سفن أو شربات خفيف أو عصير ونحشى كريم شانتيه ونغلفها
ونعمل وردات بكيس الحلواني ونرش على الوش والجناب الوش اللى فتتناه
الحشو
نضرب الكريم شانتيه مع الحليب بالمضرب الكهربا على أعلى سرعه ونضيف الحليب شوية بشويه علشان نظبط القوام
لما الخليط يتماسك نضيف الجبنة ونضرب لما تختلط مع الكريم شانتيه ونضيف كريمة الحلويات ونضرب لما الخليط يتجانس ويبقى متماسك
ونستخدمه فى الحشو والتغطية