مقدم من Batot Ahmed
مدة التحضير 40دقيقه
مدة التفريز 15دقيقه
مدة الطهي 10دقائق
#العجينة ..
نص كيلو بطاطس كبيرة الحجم تغسل وتسلق حتى تنضج جيدا بعد النضج تقشر وتفرم او تعجن بالشوكة ولازم مايكونش فيها كتل كبيرة من البطاطس يعني تكون مزيج ناعم من البطاطس نضيف عليها ملعقة صغيرة (فلفل اسود وكركم وملح ) وبيضة ونخلطهم كويس وبعدها نضيف عليهم بقسماط ونعجن لحد ما تتماسك العجينة اهم حاجه العجينة متكونش رطبه ولا يابسة ..لانها لو رطبه تتفتح ف الزيت ولو يابسه تكون البقسماط فيها كتير ومش هتكون حلوة
#الحشو
مفروم لحم مع حبة بصل مفرومة باليد فرم نااااعم وحبة فلفل أخضروفص توم مفروم حطيهم على نار هادية مع رشة ملح وكل شوي نحركه لحد ما البصل يستوي وتجف منه الميه نضيف عليها شوية زيت وفلفل أسود وهيل وكسبر ونخليهم شوي ع النار ..
التشكيل او التدوير او التكبيبب
ناخد عجينة البطاطس ونكورها كور متساويه وحسب الحجم حسب رغبتك كبيرة أو صغيرة وتاخدي كورة تمسكيها فيدك اليسار وتحفريها بصبعك السبابه اليمنى لحد تبقي محفورة وتساويها بيدك زي ماتلاقيها خوفها لا غليظة ولا رقيقة تاخدي المفروم بملعقة صغيرة وتصبيه ف الفتحة وتقفليها و تلمي حروف الفتحه على بعض لحد ما تساويها بشكل مدبب من الجهتين يعني تعطيك شكل الكبة وبعدها دحرجيها ف البيض بالبقسماط ودخليها ف الفريز عشان تشد نفسها
وماتتفتح بعد ماتقليها ..خليها فترة تبرد ف الفريز وبعدها اقليها ف زيت ساخن حتى تاخد اللون الذهبي
#ملحوظات
1العجينة لازم تكون خاليه من كتل البطاطس
2 لازم تحطيها ف الفريز عشان ما تتفتح عند القلي
3 قوام العجينة لازم يكون لارطب ولا يابس لانها لو رطبه بتشرب الزيت وتتفتح ولو يابسه تبقا مكتومه زي العيش ومافيهاش طعم
4الزيت يكون ساخن لانها مستويه ومحتاجة وقت كبير تتحمر وبالف هنا ⚘
ليست هناك تعليقات:
إرسال تعليق