سمك سنجاري وأرز بالقرقه مقدم من الشيف عبير علي-موقع واذاعة اخبار العرب

سمك سنجاري وأرز بالقرفه مقدم من عبير علي المقادير : سمك بوري على حسب عدد أفراد الأسرة، خل، بصل، جزر مبشور، فلفل ألوان، فلفل اخضر، ثوم طماطم، كسبره وشبت وبقدونس، ملح و فلفل وكمون وكسبره ناشفه وزعتر جنزبيل، معلقتين عصير ليمون، شرائح بطاطس الطريقه : ينظف السمك ويفتح من الظهر ونضع عليه ربع كوباية خل ونتركه 10 دقائق ونعمل التتبيله بتاعته نحضر طاسه على النار نضع الزيت ونضع عليه البصل المقطع رفيع ندبله ونضع عليه الثوم المقطع مش مفروم وعليه الفلفل الألوان والفلفل الأخضر والجزر المبشور والطماطم المقطعه أيضا ولما يدبلوا نضع البقدونس والشبت والكسبره وعليهم عصير الليمون والتوابل ونجهز الصينيه نضع فيها ورق فويل ونرش عليه زيت ونقطع شرائح بطاطس رفيعه بس مش شيبسي ونضع عليه السمك ونضع الخليط اللي عملناه فوق السمك وعليه شرائح ليمون وندخله الفرن لمدة نصف ساعة الأرز بالقرفه نضع الزيت في حله لما يسخن نضع عليه الأرز المغسول والمصفى وعليه ملح وفلفل وقرفه نقلبه شويه ونضع عليه الماء ونغطيه لما يتشرب نوطي عليه لغاية مايستوي ثم نقدمه مع السمك مديرة قسم المطبخ أ/ناهد هشام ومروه جميل