النجرسكو مقدم من الشيف عبير علي -موقع واذاعة اخبار العرب

النجرسكو مقدم من عبير علي المقادير: مكرونه اسباجتي أو أقلام، نصف كيلو صدور بانيه ملح و فلفل وبهارات فراخ رشة جوزة الطيب، بصله كبيره، فلفل اخضر مقطع صغير وممكن مشروم حسب الرغبه للبشاميل 4ملاعق دقيق، 4ملاعق زبده، لتر لبن ونصف كوب كريمه وجبنه موتزاريلا وملح وفلفل ورشة جوزة الطيب الطريقه هنسلق المكرونه ونصفيها ونقطع صدور البانيه شرائح زي الشاورما وفي طاسه على النار نضع معلقه زبده ومعلقة زيت علشان الزبده ما تتحرقش ولما تسخن ننزل الفراخ نعطيها صدمه ونقلبها شويه لغاية ما لونها يتغير ننزل البصل وبعده الفلفل الأخضر وإذا كنتي هتضيفي مشروم يبقى قرب السوا وتحطي ملح وفلفل وبهارات فراخ ورشة جوزة الطيب طريقة البشاميل هنسخن الزبده وننزل عليها الدقيق ونقلبهم وننزل باللبن شويه شويه ونقلب لغاية ما القوام يتقل شويه مش كتير لأن البشاميل بتاع النجرسكو بيكون خفيف شويه وبعدين ننزل الكريمه والجبنه الموتزاريلا ونضع جوزة الطيب وملح وفلفل ونطفي عليه وبعدين في طريقتين ممكن نخلط كله مع بعض يعني الفراخ والمكرونه وجزء من البشاميل والباقي على وجه الصينيه وعليه الموتزريلا والطريقة الثانيه نضع جزء من البشاميل على المكرونه ونقسمها نصفين نصف المكرونه وعليه الفراخ وشوية جبنه موتزاريلا وشويه بشاميل ونضع النصف الثاني من المكرونه وعليه باقي البشاميل والجبنه الموتزاريلا وندخلها الفرن وبالهنا مديرة قسم المطبخ أ/ناهد هشام ومروه جميل