البوريك مقدمه من الشيف المميز /ايمان مجدي

يلا يا بنات المدارس بقت علي الأبواب وعايزين نعمل حاجة للولاد يأخدوها معاهم المدرسة وهما رايحين
 ودي طريقه البوريك
المقادير :-
******
2كوب دقيق
معلقتين سمنة سايحة
معلقة صغيرة خميرة فورية
معلقة صغيرة سكر
نص معلقة صغيرة ملح
ذرة فلفل اسمر
بيضتين
ربع كوب لبن دافى
سمسم او حبة البركة
الحشوة
جبنة رومى وزيتون - جبنة بيضا بالزعتر والزيت
****************************************
 الطريقه :-
هنضرب البيض ونشيل منة حبة صغيرين خالص عشان ندهن بيهم وش البوريك
هنحط الدقيق والخميرة والسكر والملح والسمنة فى طبق ونقلب كويس
وبعدين نضيف البيض وحبة البركة والفلفل الاسود ونقلب
هننزل عليهم باللبن شوية بشوية ونعجن لحد ماتبقى العجينة طرية ومبتلزقش
هنغطيها ونحطها تخمر فى مكان دافى لمدة نص ساعة كدة
هنهرس الجبنة ونحط عليها شوية زعتر وزيت ونقلبها
هنقطع العجينة كور صغيرة خاااالص وناخد كل كورة نفردها
ونحشيها حتة جبنة بيضا او حتة رومى وزيتون اسود
ونقفلها كدة زى القطايف ونضغط على الاطراف كويس جدددددا بالشوكة
ونرصهم فى صينية مدهونة زيت بسيط
ونغطى عليهم ونسيبهم يخمروا نص ساعة كمان
وندهن وشهم بيض ونرش عليهم شوية حبة البركة
وندخلهم الفرن السخن على 200 درجة لمدة ربع ساعة كدة
وبألف هناااااااااااا
كتبت بواسطة ام ميدو