كتبت عايده السحراوي
#حيل ذكية استخدميها اثناء اعدادك للطعام
1- ازالة البذور من الخضروات بسرعة:
ازالة البذور من اي نوع خضروات زي الكوسة او القرع او غيرها من الخضروات, بطريقة سهلة جدا باستخدام معلقة الايس كريم او معلقة عادية, الحرف الحاد بتاع المعلقة هيساعدك تطلعي البذور بسهولة.
2- ازالة الدهون الزيادة من الاكل المطبوخ:
بتحصل كتير بعد ما تعملي اكلة تلاقي فيها كمية دهون زيادة, عشان تتخلصي منها بسهولة هاتي مكعبات تلج ولفيها في فوطة ومشيها على سطح الاكل من فوق التلج هيبقى زي المغناطيس هيلقط الدهون الزيادة من على وش الاكل.
3- استخدمي ورق التغليف زي الطباخين المحترفين:
بلاستيك تغليف الاكل في الغالب مش بنعرف نلف بيه الاكل بطريقة صح وبيتقطع او بيطلع بشكل مش متساوي, عشان كده لو عايزة تستخدميه زي الطباخين المحترفين حطيه في التلاجة شوية قبل الاستخدام لما يكون بارد هيتلف معاكي بشكل افضل ومش هيتقطع منك.
4- قشري الفواكه الحمضية بطريقة سهلة:
الفواكة الحمضية زي البرتقال او الليمون او اليوسفي وغيرها في اغلب الوقت لما بنيجي نقشرها ساعات كتير بيطلع جزء كبير من الثمرة في القشر او بتتفعص مننا, وعشان ده ميحصلش معاكي المرة الجاية لما تيجي تقشريها حطيها في الميكروويف لمدة 20 ثانية وبعدين طلعيها وقشريها هتلاقيها بتتقشر معاكي اسهل بكتير.
5- قشري البيض المسلوق اسهل:
ساعات كتير بيحصل لما بنيجي نقشر البيض بعد ما نسلقه بيتقشر معانا بصعوبة والقشرة بتبقى لازقة فيه, عشان تحلي المشكلة فيه حطي في المية اللي هتسلقي فيها البيض شوية خل ابيض هتخلي البيض يتقشر معاكي بشكل اسهل
6- استخراج كل العصير من الفواكه الحمضية:
عشان تستخرجي كل العصير لاخر نقطة من اي فاكهة حمضية, حطيها الاول في التلاجة لحد ما تسقع وبعدين طلعيها حطيها في الميكروويف لمدة من 15 – 20 ثانية وبعدين اعصريها.
7- ابشري الجبنة بطريقة اسهل:
حطي الجبنة في التلاجة لمدة نص ساعة قبل ما تبشريها, الجبنة هتسقع وتبقى متماسكة اكتر ومش هتلزق منك في المبشرة وانتي بتبشريها وهتتبشر بشكل اسهل.
8- ازاي تقطعي البصل من غير دموع:
طبعا دموع البصل كلنا بنعاني منها وعشان نتخلص من المشكلة دي, حطي البصل قبل ما تقطعيه في الفريزر لمدة 30 دقيقة الحيلة دي هتخلصك من مشكلة الدموع, بس استخدمي الحيلة دي لو هتطبخي البصل لكن لو هتعمليه للسلطة الافضل متستخدميش الحيلة دي لان البصل هيفقد قرمشته.
9- طريقة ذكية لسلق المكرونة:
لو بتسلقي مكرونة ومش عايزة تفضلي واقفة قدامها مراقباها, حطي معلقة خشب على الحلة من فوق عشان تمنعي ان المية تفور او تطلع من الحلة.
10- ازاي تشوي الفراخ صح:
لو هتشوي فرخة في الفرن او اي نوع من انواع الطيور, حطيه في الصينية على الصدر لان الجزء ده هو اللي بيكون فيه اكبر كمية لحمة وتبقى اقرب لمصدر الحرارة وتستوي معاكي اسرع.
11- قوالب الكب كيك:
لو معنديش قوالب خاصة بالكب كيك ممكن تستخدمي بدالها ورق الزبدة, وكمان هتخلي الكب كيك يطلع معاكي احلى.
12- الطريقة الصح لتسخين المخبوزات:
البيتزا او غيرها من المخبوزات لو اكلتي منها وعندك لسه باقي هتاكليه في وقت تاني, لما تيجي تسخنيه في الميكروويف حطي جنبه كوباية فيها مية البخار اللي هيطلع منها هيخلي المخبوزات تفضل طريه ومتنشفش.
– حيل للتخزين:
1- ازاي تحافظي على الاعشاب للطبخ:
عشان تحافظي على الاعشاب اللي بتستخدميها للطبخ بنفس النكهة والريحة جمديها في الفريزر, حطيها في قوالب التلج وضيفي لها مية او زيت زيتون.
2- الطريقة الصحيحة لتخزين المكسرات:
عشان تحافظي على العناصر الغذائية في المكسرات زي ما هي وتحافظي على نكتها وريحتها وطعمها خزنيها في برطمانات محكمة الغلق وحطيها في الفريزر من غير ما تحمصيها لان طعمها هيغير لو حمصتيها خزنيها نيه او خام زي ما هي.
– حيل للتنضيف:
1- الطريقة الصح لتنضيف الطاسة الحديد:
عشان نمنع الصدا اللي بيحصل للطاسة الحديد مع الوقت, اتجنبي تغسليه بسائل غسل الاطباق العادي, لكن افضل طريقة انك تستخدمي الملح العادي اللي بنستخدمه في الاكل, الطريقة دي هتنضفها وكمان هتخلصك من اي روايح اكل او توابل لازقة فيها.
2- التخلص من الروايح الكريهة في الايد:
بعد الطبخ بنلاقي لازق في ايدينا ريحة الثوم والبصل وعشان تتخلصي منها بطريقة بسيطة استخدمي الليمون او الملح افركي ايدك بيهم واشطفيها بالمية هتخلصك من اي ريحة.
3- تلميع ادوات المطبخ:
لو عايزة تلمعي ادوات المطبخ الستانلس وترجعيها بتلمع زي الاول كانها جديدة اغسليها بخليط مية وخل وممكن تنقعيها في الخليط من بالليل للصبح عشان تديكي نتيجة احسن.
4- تنضيف المعالق الخشب:
مع الوقت المعالق الخشب لونها بيتغير وبيلزق فيها روايح الاكل المختلفة ومش بتروح منها بسهولة بطريقة الغسيل العادية, وعشان تتخلصي من المشكلة دي اغلي المعالق الخشب في مية وطلعيها وسيبيها تنشف في الشمس, الطريقة دي هتخلصك من الروايح وهترجع شكل المعالق كانها جديدة.
5- الطريقة الصح لتنضيف لوح التقطيع الخشب:
عشان تتخلصي من الروايح من على لوح التقطيع الخشب وتنضفيه افركيه بملح خشن وسيبيه عليه من 10 – 15 دقيقة وبعدين امسحيه بنص ليمونة, الطريقة دي هتنضفه وتخلصك من اي روايح.
6- حافظي على كتاب وصفاتك:
لو بتعملي وصفة من كتاب عشان تحافظي عليه نضيف من انه يجي عليه مية او اكل او اي حاجة وانتي حطاه قدامك على الرخامة, استخدمي شماعة بنطلون اللي بيكون ليها علاقتين حطيها على الدولاب قدامك وعلقي فيها الكتاب مفتوح على الصفحة اللي فيه الوصفة اللي انتي عايزاها, بالطريقة دي هتحافظي عليه نضيف وسليم
لايك وتعليق ليصلك كل جديد
1- ازالة البذور من الخضروات بسرعة:
ازالة البذور من اي نوع خضروات زي الكوسة او القرع او غيرها من الخضروات, بطريقة سهلة جدا باستخدام معلقة الايس كريم او معلقة عادية, الحرف الحاد بتاع المعلقة هيساعدك تطلعي البذور بسهولة.
2- ازالة الدهون الزيادة من الاكل المطبوخ:
بتحصل كتير بعد ما تعملي اكلة تلاقي فيها كمية دهون زيادة, عشان تتخلصي منها بسهولة هاتي مكعبات تلج ولفيها في فوطة ومشيها على سطح الاكل من فوق التلج هيبقى زي المغناطيس هيلقط الدهون الزيادة من على وش الاكل.
3- استخدمي ورق التغليف زي الطباخين المحترفين:
بلاستيك تغليف الاكل في الغالب مش بنعرف نلف بيه الاكل بطريقة صح وبيتقطع او بيطلع بشكل مش متساوي, عشان كده لو عايزة تستخدميه زي الطباخين المحترفين حطيه في التلاجة شوية قبل الاستخدام لما يكون بارد هيتلف معاكي بشكل افضل ومش هيتقطع منك.
4- قشري الفواكه الحمضية بطريقة سهلة:
الفواكة الحمضية زي البرتقال او الليمون او اليوسفي وغيرها في اغلب الوقت لما بنيجي نقشرها ساعات كتير بيطلع جزء كبير من الثمرة في القشر او بتتفعص مننا, وعشان ده ميحصلش معاكي المرة الجاية لما تيجي تقشريها حطيها في الميكروويف لمدة 20 ثانية وبعدين طلعيها وقشريها هتلاقيها بتتقشر معاكي اسهل بكتير.
5- قشري البيض المسلوق اسهل:
ساعات كتير بيحصل لما بنيجي نقشر البيض بعد ما نسلقه بيتقشر معانا بصعوبة والقشرة بتبقى لازقة فيه, عشان تحلي المشكلة فيه حطي في المية اللي هتسلقي فيها البيض شوية خل ابيض هتخلي البيض يتقشر معاكي بشكل اسهل
6- استخراج كل العصير من الفواكه الحمضية:
عشان تستخرجي كل العصير لاخر نقطة من اي فاكهة حمضية, حطيها الاول في التلاجة لحد ما تسقع وبعدين طلعيها حطيها في الميكروويف لمدة من 15 – 20 ثانية وبعدين اعصريها.
7- ابشري الجبنة بطريقة اسهل:
حطي الجبنة في التلاجة لمدة نص ساعة قبل ما تبشريها, الجبنة هتسقع وتبقى متماسكة اكتر ومش هتلزق منك في المبشرة وانتي بتبشريها وهتتبشر بشكل اسهل.
8- ازاي تقطعي البصل من غير دموع:
طبعا دموع البصل كلنا بنعاني منها وعشان نتخلص من المشكلة دي, حطي البصل قبل ما تقطعيه في الفريزر لمدة 30 دقيقة الحيلة دي هتخلصك من مشكلة الدموع, بس استخدمي الحيلة دي لو هتطبخي البصل لكن لو هتعمليه للسلطة الافضل متستخدميش الحيلة دي لان البصل هيفقد قرمشته.
9- طريقة ذكية لسلق المكرونة:
لو بتسلقي مكرونة ومش عايزة تفضلي واقفة قدامها مراقباها, حطي معلقة خشب على الحلة من فوق عشان تمنعي ان المية تفور او تطلع من الحلة.
10- ازاي تشوي الفراخ صح:
لو هتشوي فرخة في الفرن او اي نوع من انواع الطيور, حطيه في الصينية على الصدر لان الجزء ده هو اللي بيكون فيه اكبر كمية لحمة وتبقى اقرب لمصدر الحرارة وتستوي معاكي اسرع.
11- قوالب الكب كيك:
لو معنديش قوالب خاصة بالكب كيك ممكن تستخدمي بدالها ورق الزبدة, وكمان هتخلي الكب كيك يطلع معاكي احلى.
12- الطريقة الصح لتسخين المخبوزات:
البيتزا او غيرها من المخبوزات لو اكلتي منها وعندك لسه باقي هتاكليه في وقت تاني, لما تيجي تسخنيه في الميكروويف حطي جنبه كوباية فيها مية البخار اللي هيطلع منها هيخلي المخبوزات تفضل طريه ومتنشفش.
– حيل للتخزين:
1- ازاي تحافظي على الاعشاب للطبخ:
عشان تحافظي على الاعشاب اللي بتستخدميها للطبخ بنفس النكهة والريحة جمديها في الفريزر, حطيها في قوالب التلج وضيفي لها مية او زيت زيتون.
2- الطريقة الصحيحة لتخزين المكسرات:
عشان تحافظي على العناصر الغذائية في المكسرات زي ما هي وتحافظي على نكتها وريحتها وطعمها خزنيها في برطمانات محكمة الغلق وحطيها في الفريزر من غير ما تحمصيها لان طعمها هيغير لو حمصتيها خزنيها نيه او خام زي ما هي.
– حيل للتنضيف:
1- الطريقة الصح لتنضيف الطاسة الحديد:
عشان نمنع الصدا اللي بيحصل للطاسة الحديد مع الوقت, اتجنبي تغسليه بسائل غسل الاطباق العادي, لكن افضل طريقة انك تستخدمي الملح العادي اللي بنستخدمه في الاكل, الطريقة دي هتنضفها وكمان هتخلصك من اي روايح اكل او توابل لازقة فيها.
2- التخلص من الروايح الكريهة في الايد:
بعد الطبخ بنلاقي لازق في ايدينا ريحة الثوم والبصل وعشان تتخلصي منها بطريقة بسيطة استخدمي الليمون او الملح افركي ايدك بيهم واشطفيها بالمية هتخلصك من اي ريحة.
3- تلميع ادوات المطبخ:
لو عايزة تلمعي ادوات المطبخ الستانلس وترجعيها بتلمع زي الاول كانها جديدة اغسليها بخليط مية وخل وممكن تنقعيها في الخليط من بالليل للصبح عشان تديكي نتيجة احسن.
4- تنضيف المعالق الخشب:
مع الوقت المعالق الخشب لونها بيتغير وبيلزق فيها روايح الاكل المختلفة ومش بتروح منها بسهولة بطريقة الغسيل العادية, وعشان تتخلصي من المشكلة دي اغلي المعالق الخشب في مية وطلعيها وسيبيها تنشف في الشمس, الطريقة دي هتخلصك من الروايح وهترجع شكل المعالق كانها جديدة.
5- الطريقة الصح لتنضيف لوح التقطيع الخشب:
عشان تتخلصي من الروايح من على لوح التقطيع الخشب وتنضفيه افركيه بملح خشن وسيبيه عليه من 10 – 15 دقيقة وبعدين امسحيه بنص ليمونة, الطريقة دي هتنضفه وتخلصك من اي روايح.
6- حافظي على كتاب وصفاتك:
لو بتعملي وصفة من كتاب عشان تحافظي عليه نضيف من انه يجي عليه مية او اكل او اي حاجة وانتي حطاه قدامك على الرخامة, استخدمي شماعة بنطلون اللي بيكون ليها علاقتين حطيها على الدولاب قدامك وعلقي فيها الكتاب مفتوح على الصفحة اللي فيه الوصفة اللي انتي عايزاها, بالطريقة دي هتحافظي عليه نضيف وسليم
لايك وتعليق ليصلك كل جديد
ليست هناك تعليقات:
إرسال تعليق