ملحوظة.
######
اولا فيه حاجتين لنجاح العيش الفينو والكيزر
اولا . نعجن العجينه كويس جدا جدا.
ثانيا . نسيبيه يخمر كتير بعد العجن وبعد اللف على الصنيه.
المقادير
######
نص كيلو دقيق فاخر لجميع الأغراض
3 ملاعق كبار سكر
معلقه كبيره خميرة فوريه
كيس بيكنج بودر
2 ملعقة كبيرة خل
رشه ملح
تلت كوب زيت
ماء للعجن حوالي كوب وربع
لتعزيز الطعم يمكن اضافه زبادي ولبن بودر ( اختياري حسب الرغبة )
لدهن الوجه
######
صفار بيضه + ملعقه زيت + رشه فانيليا
للتزين
#####
سمسم أو حبه البركه
الطريقه
######
هنجيب طبق غويط ونحط كل المكونات الجافه(دقيق وخميره وبيكنج وسكر وملح ولبن بودر) ونقلب كويس وبعدين تنزلي بنص كميه الزيت وتقلبي وبعدين نزلي بالخل والزبادي المايه شويه شويه واعجني وخدي بالك فيه دقيق بيحتاج مايه اكتر يعني نص كيلو الدقيق هياخد من كوب ل كوب ونص مايه المهم تعجني لحد متلم تماماً وتحطي باقي الزيت وتعجني تاني لمدة 10 دقائق متوصله اهم حاجه متزهقيش اعجني لحد متحسي ان قوام العجين بقي ناعم هيكون ملزق شويه عادي جدااا جداا
غطيها بقي وسيبيها تخمر حوالي ساعه وبعدين تعملي العجينه رول كبير وتقسميها لكور متساويه وتغطي الكور وتسيبيها تخمر ربع ساعه كمان وبعدين تجيبي كورة كورة وتفرديها وبعدين تلفيها رول ذي الصور كده وتحطيها في الصينيه مدهونه بالزيت كويس وتسيبيها تخمر تاني ساعه أو ساعتين هتعلي وحجمها هيبقي الضعف .
التسويه
######
بعد التخمير هتدهني وش العيش بفرشه بخليط صفار البيض والزيت والفانيليا وتدخليه فرن ساخن مسبقاً في الرف الأوسط علي درجه ١٨٠ لمده 15 دقيقة واول مايطلع من الفرن تغطيه بفوطه عشان يفضل طري وجميل.
رايحه فين اثبتي وجودك بتعليق هنا
ليست هناك تعليقات:
إرسال تعليق