مدة التحضير ٣٥ دقيقة
مدة الطهي ٢٥دقيقة
طريقة عمل محشي الكرنب
محشي الكرنب أو الملفوف أكله مصريه جميله معظم الشعب المــصري بيموت فيها ويا سلام لمـا تكون في الشتاء وسخنه موحوحه، فالجميع يحب المحشي من المقادير: 1- كرنبه ( ملفوف ) متوسطه الحجم 2- 12 كيلو طماطم 3- واحد كيلو رز 4- بقدونس وكسبره وشبت ونعناع لو تحبي 5- بهارات المحشى(بقدونس وشطه حمراء وكمون ملاحظه ممكن تضعي نعناع ناشف ناعم علي الخلطه طعمه جميل جدا. 6- زيت 7- شوربه(ويا سلام لو يكون بط او دجاج ) لو صيامي يبقي ميه مغلية طريقة تحضير محشي الكرنب : 1- يسلق ورق الكرنب بعد فصله (سلق خفيف وليس قوى ) . في مياه بها ملح وكمون 2- يقطع البصل ويحمر ب والزيت وبعدين تحطى عليه الطماطم بعد ما تعصر فى الخلاط ويترك على النار حتى تسبك. 3- يوضع الرز على الخلطه السابقه ويقطع البقدونس والكسبره والشبت ويوضع وتوضع البهارات والملح والشطة والكمون وممكن ففل اسود. 4- يقطع ورق الكرنب مربعات ويوضع فى بدايه كل مربع الخلطه السابقه ويلف باحكام ويرص فى الحلة ويوضع الورق الاخضر في القعر 5- بعد ما تمليه ترشين عليه الشوربه بحيث تغطيه وتعلى عليه النار لحد ما يشرب الشوربه الى فوقه . وبعدين توطى عليه النار لحد ما يشرب الشوربه كلها . والف هنا وعافية على قلوبكم .
ليست هناك تعليقات:
إرسال تعليق