فطيرة شم النسيم

اسم الوصفه /  فطيرة شم النسيم 🍓

مقدمه من / الشيف مرمر
بمناسبة شم النسيم اعملى لاولادك  المنجؤونه 🍊
    او البريوش او فطيرة شم النسيم
   🍍  المقادير 🍍
كيلو دقيق          علبة زبادى
كوب ونصف سكر او حسب الرغبه
كوب لبن دافى
١/٢ كوب زيت + ١/٢ كوب سمن   دافى
2 بيضه حجم كبير          رشة فانيليا
كيس لبن نيدو
2 معلقه كبيره خميره
معلقه كبيره خل          رش ملح
🍒 للوجه 🍒
بيضه مع رشة فانيليا
    الطريقه
ندوب الخميره مع معلقة سكر مع ١/٤ كوب ماء دافى و تترك على جنب
ينخل الدقيق ويضع عليه رشة الملح واللبن البودره ويقلب ثم السمن والزيت ويقلب البيض ويضع عليه الفانيليا والخل ويضاف الى الدقيق ويقلب ثم السكر واللبن الدافى والخل ويقلب كويس ثم يضاف الخميره والزبادى ويعجن كويس كل ما تعجنى كويس تكون النتيجه افضل اعجنى فيها لمدة 10 دقايق تكون معاكى عجينه طريه لينه زى الاستيك مش ناشفه ( عجينه بتلزق فى ايدك ) وتترك تختمر لمدة ساعه وبعد الساعه هبطيها وتترك تخمر مره تانيه لمدة ساعه ثم تشكل تبرم زى البقسماط  وتلف حلزونى او تعمل ضفيره وتضع فى الصنيه وتترك تختمر ثم يدهن الوجه بالبيض  ويرش على الوش سكر 🍓
 (وممكن تضعى البيض الملون فى وسط المنجاؤنه )
 وتدخل فرن ساخن على 200 حوالى 15 او حتى يحمر الوجه
🍓🍓🍓