بقلم الاعلامية : شروق محمد !
١-لما تكون اول غلطه ساعتها طبعا لازم نسامح بس بشرطين ، الاولاني نعذبه شويه علشان يعرف قيمتنا ونتيجه غلطته ، والتاني بعد الرجوع نأصل جواه مفهوم انه كويس ونصدق انه غلط غصب عنه ومش هايكرر الخطأ علشان نحفزه انه يتغير للاحسن .
مش تكون مراقبه وتفتش ديما وراه
٢-لو الخطأ مكرر بس المره دي معترف بغلطته وندمان بجد بس لازم يكون ندمه خرج من حيز المشاعر لدايره التنفيذ يعني ابتدي يغير من نفسه ويبعد عن مسببات الغلط .
٣-لو غلطته ماكنتش بتضرب في صلب الأمان ، يعني ماخدش صورك مثلا و هددك بيها ، مامسكش عليكي ذله ، مافضحش اسرارك وشوه سمعتك ، ماسرقش فلوسك .
٤-لو ماكانش بعد الخلاف اظهر صفات اقبح من الغلطه نفسها ، زي الاصرار والكبر وقله الادب ف الالفاظ والتصرفات ،،يعني اسقط قناع كان لابسه قبل الخلاف .
٥-لو اكتشفتي ان غلطته كانت بسببك ، يعني تقصير منك او قصور فيكي او استفزاز منك وصلو للغلط ، او اكتشفتي ان غلطته كانت بسبب ظروف قهريه استثنائيه، فقدان عزيز او انهيار مادي او لخبطه في حياته خرجته عن وعيه فغلط .
في الخمس حالات دول انصحك تسامحي علشان ماتندميش بعد كده ، وطبعا كل واحد وقدراته علي التحمل والتجاوز وفي النهايه ربنا غفور رحيم وكلنا معرضين للخطأ .
ليست هناك تعليقات:
إرسال تعليق