معظم حالات الانفصال اللي موجودة بتكون لبنت اتجوزت علشان تهرب :
١- تهرب احيانا من معامله بابا وقيوده او قسوه اخويا وتحكمه او ضغوط البيت .
٢-احيانا من ضغوط ماما ومعايرتها ان اللي في سني اتجوزوا وخلفوا وكأنها بتحلم تخلص مني وخلاص .
٣-احيانا من خوفي من اللقب اللعين … عا….. مش بحب اقوله لانه لقب متخلف بس معظمنا كبنات بخاف منه .
٤-احيانا علشان حلمي ابقي أم واخلف قبل ما اكبر ويقل الاحتمال .
٥-احيانا بيبقي هروب من تجربه حب فاشله فبرمي نفسي في تجربه وخلاص .
دي معظم انواع الهروب اللي موجودة وبتكون نتيجتها جواز فاشل، لأن اي هروب ديما مابيكونش محسوب ولا خاضع لمقاييس العقل والاختيار ، رغم ان الجواز هو اكتر تجربه محتاجه دراسه بهدوء وتأني وحكمه .
ارجوكي لو عندك اي مبرر للجواز الهروبي استني شويه وفكري ف النتايج واصبري واصنعي نفسك واجهزي ليوم الحريه الحقيقي اللي هاتكوني فيه انسان كامل مش مرهون بحد ولا محتاج لحد .
ليست هناك تعليقات:
إرسال تعليق