صنيه بطاطس بالفراخ مقدمه من الشيف دينا عمر -موقع واذاعه اخبار العرب

صنية بطاطس بالفراخ مقدم من الشيف : دينا عمر مدة التحضير : 10دقائق مدة الطهى : 90 دقيقة المكونات فرخه _كيلو بطاطس _ بصلتين _ملح _ فلفل أسود _ بهارات _ جوزة الطيب _ قرن فلفل _ كوب طماطم مبشوره _ 2 فص ثوم كبير الطريقه تتبيلة الفرخه قطعيها زى ما تحبى 8 أو 4 قطع وتبليها ببصله مفرومه وطمطمايه مبشوره وملح وفلفل أسمر وبهارات وجوزه الطيب وحبهان وورق لورى ونص ليمونه ومعلقتين خل ومعلقتين زيت ورشة قرفه اخلطى كل المكونات واهرسيها بايدك واحشى الفراخ تحت الجلد وتبليها كويس وسبيها فى الثلاجة 3 ساعات ولو قبلها بيوم بيبقى الطعم جميل جداً البطاطس قطعيها طرنشات وسبيها فى المايه علشان ما تسودش وفى صنية واخلطى البصل الحلقات مع الثوم المفروم والفلفل المقطع صغير والتوابل وصفى البطاطس وانزلى بيها على الخليط وقلبى وافردى البطاطس وعليها كوب الطماطم المبشوره ورصى الفراخ على الوش ورشى شوية زيت ودخليها الفرن وممكن تسويها شويه على عين البوتاجاز الأول وبعدين دخليها الفرن مديرة قسم المطبخ أ/ناهد هشام ومروه جميل