اسم الوصفه:قرص بالعجوة
مقدمه من : منى الحسيني
مده التحضير: 20 دقيقه
مده الخبز: 15 دقيقه
المقادير....
٢ كيلو دقيق
كيلو ذبدة صفرا نوع كويس
نصف كيلو لبن حليب دافئ
كوب مياة صغير
معلقة صغيرة خميرة بيرة
نصف كوب سمسم محمص
٤ معالق سكر
معلقة فانيليا
كيس بيكنج بودر
كيلو عجوة مهروسة للحشو ومعلقتين سمن بلدى
الطريقة...
👇👇👇👇👇👇
قلبى السمسم والبيكنج بودر والفانيليا على الدقيق وسيحى الذبدة بس ما تخليهاش تغلى ✋✋
وانزلى بالذبدة على الدقيق وبسيه كويس جدااا باايديكى يعنى تفركيه لغاية ماكل الدقيق يختفى ويكون زى الرملة المبلولة...
دوبى الخميرة فى معلقتين لبن وانزلى بيها هى واللبن والمياة والسكر دوبيه فى اللبن ولفيهم كلهم لغاية ماتتكون عجينة ...
لفيها فى كيس وعلى الرخامة قطعيها قطع صغيرة كل قطعة افرديها دايرة والعجوة اعجنيها بمعلقتين السمن وشكليها كور
صغيرة وفى كل دايرة عجين حطى عجوة واقفليها كويس وافرديها دايرة...
رصيهم فى صوانى الخبز واتركيهم نصف ساعة يرتاحوا قبل الخبز..
درجة حرارة الفرن ٢٠٠ لمدة ١٥ دقيقة وبالهنااااا ...
#منى_الحسينى 😉
ليست هناك تعليقات:
إرسال تعليق