كيك الرواني مقدم من الشيف احمد حمودي

(طريقة عمل كيكه الروانى) المقادير 1_كوب وتلت دقيق عادى 2_نصف كوب دقيق سميد 3_كوب سكر ناعم 4_باكو فانيليا 5_5 بيضات 6_باكو بيكنج باودر 7_كيس فانيلا 8_علبه زبادى **الشربات (السيرب) 1 كوب سكر 1.5 كوب ميه عصير نص لمونه 1 كيس فانيلا **طريقة تحضير كيكه الروانى 1_نضرب البيض والسكر والفانيلا لمده 10 دقايق لحد مايكون القوام فاتح. 2_بعد كده نضع عليهم الزبادى ثم ننزل بالدقيق والسميد المنخول، ونقلب بالمضرب السيلك من تحت لفوق لحد مالدقيق كله يختفي. 3_ بعد كده نبطن صنيه سمنه ودقيق مع رشه سميد ونصب الخليط وندخلها فرن 180 لمده 35 دقيقة. **طريقة عمل الشربات (القطر) 1كوب سكر مع 1.5كوب ميه عالنار اول مايغلو نضيف عصير نص لمونه ونسيبهم يغلو 10 دقايق ونضيف كيس الفانيلا وكده هيكون الشربات جاهز يعنى الروانى تكون سخنه والشربات يكون سخن وتزين بجوز الهند المبشور.. _ الروانى لازم تطلع م الفرن فاتحه شويه عشان بتغمق لما تسقيها بالشربات أو القطر. _لما تطلع م الفرن اقلبيها باستخدام صينيه تانيه وقبل ما تسقيها بالشربات أو القطر. _ بلاش تفتحى عليها الفرن خااااااالص غير لما ريحتها الجميلة تبدأ تطلع. و بألف هنا