#دينا_ابراهيم
ركزوااااا كويس ف الموضوع ده لانه مهم اوي وناس كتير متلغبطه فيه ..."الانسولين و السعرات الحرارية"
- الموضوع ده هيبقي فيه ملخص الدوشة اللي بتحصل في الجروبات والحروب الاهلية من ناحية الناس اللي تقولك السعرات الحرارية هي سبب زيادة الوزن والمفروض ده الصح وفي ناس تانية بتقول في مدرسة بتتكلم ان زيادة الوزن بسبب الانسولين فا حبيت اتكلم في البوست ده بالتفصيل مع عمل مفارقة بين الشخص الصحي و الشخص المريض اللي عنده مشكلة في الانسولين عشان في ناس عندها هسهس من الانسولين وكمان ناس ابتكرت نوع جديد اسمه دايت الانسولين اللي بتقطع فيه او تقلل كارب جامد وطبعاً ده كلام بطيخ ، فا هشرح بالتفصيل القصة ديه .
١- ايه هي السعرات الحرارية ؟ ⭐️
- السعرات الحرارية هي وحدة طاقة الجسم ، جسمك بيزاول يومه عن طريق البنزين ده زي ما العربية بتمشي بالبنزين برده .
- السعرات الحرارية هي عبارة عن عناصر البروتين و الكاربوهيدرات و الدهون وهنا بنقول علي العناصر ديه كلها سعرات حرارية بالاجمال .
- في حاجة اسمها Calories mechanism وهي طريقة او الية السعرات الحرارية في الجسم تحت قانون بقاء الطاقة " الطاقة لا تفني ولا تستحدث من العدم " والجملة ديه في ناس بتعديها ومش عارفة ان هنا في توضيح ان مصدر طاقتك هي السعرات و ديه حاجة انت متقدرش تنكرها زي كدة مصدر ثباتك علي الارض هي الجاذبية فا متقدرش تنكر كدة برده .
- لما كانو بيحاولوا يكتشفوا ايه سبب زيادة وزن الجسم أو نقص وزن الجسم عرفوا ان سبب القصة ديه هي " Calories mechanism “ ولما عملوا التجارب عشان يعرفوا ازاي ميكانيزم السعرات بتسبب الزيادة او النقصان في الوزن فا اكتشفوا ان :
- انك لما بتستهلك علي سبيل المثال ٢٠٠٠ كالوري يومياً بمعدل حرقك العادي وبعد كدة بتدخل من الاكل مثلاً ١٥٠٠ كالوري فا انت عملت حاجة اسمها عجز سعرات Calories deficit وهي انك دخلت سعرات اقل من اللي بتستهلكها والعكس صحيح ان اللي بيزيد في الوزن فا ده معناه انه دخل سعرات اكتر من احتياجه .
- ده شيء مفروغ منه و موضوع علمي بحت مفيهوش شكوك لحد دلوقتي .
٢- ايه هو هرمون الأنسولين ( متعرفش ليه الناس بتكرهه بالمنظر ده ) ⭐️
- هرمون بيفرزه البنكرياس وليه تأثير علي اكتر من خلية زي الكبد والخلايا العضلية والانسجة الدهنية بيساعد الخلية علي امتصاص الجلوكوز عشان يوفرلك طاقة بمعني اصح عن طريق انك بتدخل كاربوهيدرات وبيتم تحويلها الي جلوكوز يمر في مجري الدم .
" لحد هنا احنا متفقين و مفيش غبار علي الكلام ده " 🤣
٣- ايه هو مرض مقاومة الانسولين Insulin resistance ?⭐️
- مقاومة الأنسولين بتحصل في جسمك لما الخلايا مبتستجبش للأنسولين بشكل مظبوط فا تبتدي الخلايا تحارب الانسولين انها متفتحش ليها ابوابها عشان تستجيب للأنسولين بمعني اصح لأن اصلاً المفروض الانسولين بيعمل علي تشغيل للخلايا ديه عشان تخليها تستقبل السكر اللي في الدم عشان تكتسب طاقة وبعد كدة بينتظم السكر في الدم ويرجع لمعدلاته الطبيعية اذن يبقي حالة عدم استجابة الخلايا للأنسولين فا بنسميها مقاومة الانسولين زي ما قولنا .
" جميل اوي لحد هنا وبرده متفقين 🤣 "
٣- هل الانسولين بيسبب في زيادة وزن الجسم لو انت صحتك كويسة أو عندك مشكلة مقاومة الانسولين ؟ ⭐️
🔽 اولاً : نتكلم بقي بالمنطق في واحد صحته كويسة ومعندهوش مشكلة في الانسولين 🔽
- دلوقتي انت صحتك مفيهاش مشكلة من ناحية الانسولين يعني من الاخر البنكرياس بيفرز الانسولين وهو مستريح وبيتم الية البنكرياس في توفير الانسولين لفترة زمنية معينة بعد الوجبة وبكررها تاني فترة زمينة معينة وبعد كدة بيتم رجوع كل شيء علي طبيعته ( عشان في ناس معتقدة ان الشخص لما بيدخل كاربوهيدرات فا الانسولين بيتفرز طول اليوم وديه معلومة غلط ) .
- انت كواحد صحتك كويسة دلوقتي فا مفيش قلق انك تدخل كارب صحي في الدايت بتاعك ومتبقاش فاكر ان الكارب بس هو اللي بيرفع الانسولين 😄
🛑 الواي بروتين ليه قدرة انه يرفع هرمون الانسولين بشكل كبير
🛑
🔰 دراسة عملت تجربة علي نوعين وجبتين عشان يقيسوا ارتفاع مستوي الجلوكوز ومستوي الانسولين اول وجبة : ٢١ جم و ١٢٥ جم كارب و تاني وجبة : ٧٥ جم بروتين و ٧٥ جم كارب وكل وجبة بالناتج حوالي ٦٧٥ كالوري لاحظوا ان مستوي الجلوكوز بسبب الوجبة الاولي زادت بشكل اكبر من الوجبة التانية واكيد عشان الكارب فيه عالي و لكن لاحظوا مستوي الانسولين في الوجبة التانية الـ هي عالية ( واي بروتين ) وقليلة في الكارب زادت اكبر من الوجبة الاولي بفرق بسيط 🔰
- اقلل بروتين عشان الانسولين ؟ اقلل كارب ؟ طب ما انا كخيري صحتي كويسة ! مين قال ان طلاما بدخل كارب يبقي لازم يجيلي مقاومة انسولين فا اقلل كارب او اقطعه ؟ بناءاً علي ايه ؟ طب غيرك لو حصل معاه كدة فا انت عملت مقارنة بين صحة الناس لو واحد رياضي و واحد غير رياضي ؟
🛑 في انزيم تاني بيساعد علي تكسير الخلايا الدهنية اسمه sensitive lipase والانسولين هو الـ بيوقف نشاط الانزيم ده + ان كمان الدهون في الاكل بتساعد علي توقيف الانزيم ده Hsl 🛑
🔰 بمعني ان لو كلت وجبة فيه كمية دهون هيتوقف تكسير الدهون بسبب الدهون الـ انت دخلتها من الوجبة ديه حتي لو الانسولين عندك في انخفاض و المحصلة النهائية في القصة ديه ان مش الكارب بس الـ بيوقف حرق الدهون مؤقتاً بعد الوجبة بالعكس ده كمان الدهون الـ في الاكل بتعمل كدة برده و عشان في ناس تقولك هعمل دايت عالي الدهون واقلل كارب عشان مخليش مستويات الانسولين تعلي 🔰
- يعني من الاخر كدة انت صحتك مفيهاش مشكلة فا اعتمد علي انك تدخل كارب عادي ولكن كارب صحي و مش لازم تقلل كارب خالص وينفع تخس عادي وانت بتدخل كارب وهنا النقطة الاخيرة وهي :
- ان طلاما مفيش مشكلة في الانسولين فا اعتماد جسمك علي حرق الدهون او تخزينه هي السعرات الحرارية 😃
- الانسولين اللي بيزيد بعد كل وجبة بيقوم بوظيفة معينة وبيرجع مطرح ما طلع وخلصت علي كدة ، لكن متقوليش واحد صحته كويس و الانسولين عنده بيتفرز طول اليوم ولا
ليست هناك تعليقات:
إرسال تعليق