الكذب عند الأطفال
فى مثل قديم كدا معلش نبدأ بيه
إذا كان رب البيت بالدف ضارب فا شيمة أهل البيت كلهم الرقص
مثال بيوضح حاجات كتير بين الأباء والأبناء
الموضوع مهم جدا ال هنكلم فيه اليوم ياجماعه تعرفوا ان الكذب غالبا ما بيكون من الأب والأم هم ال بيوصلوا ولادهم للكذب سواء من الخوف أو انعدام الثقه أو الشخصيه المهزوزة
تعالو بقا نكلم عن دا بيوصلوا ليه ازاى
الأطفال عاده بتحب تكذب بس مش الكذب المفهوم بتاعنا لا هم فى الأول بيبقوا يكلموا بتلقائيه عملت كذا أه وهو معملوش مش فى تفكيرة انه بيكدب لأنه أصلا مايعرفش يعنى ايه كذب
لكن إحنا ال بنحددلة المفهوم لما نلاقيه بيكدب وهو مش مستوعب بنوضحله طبعا انه دا غلط ويقول الصح وما يكدبش ودا بيبقا أكترة فى أطفال من سن سنتين لتلاته واحنا ال بنخليه يتمادى فى الموضوع او لأ
لكن الأطفال فيما فوق الثلاث سنوات
حاجه تانيه بيكدبو خوف وعدم ثقه فى الوالدين يعنى ايه الكلام دا
الطفل كذب مرة واتنين وتلاته وفى كل مرة يا بتضربو يا بتزعق فيه
طيب مابدل دا حضراتكم تفهموه وتعرفوة ان دا غلط ولو كذب تانى يتعاقب على اد الكذبه دى وكمان وغحنا بنكلم معاه لازم نتحاور معاه طب ليه بتكذب الحوار مهم جدا وبيدى ثقه للطفل يعنى قولوا عملت الغلط تعالى قولى متخافش ونصححوا سوا لكن متكدبش واتكلم مع ابنك خليه يشيل مسؤوليه ويبقا عنده ثقه فى نفسه
وفى حاجه مهمه جدا بتخلى أولادكم يبقوا كدابين بالفطرة منكم انتو ال هى ايه انى اخلى ابنى يجى يفتنلى على حد او يتكلم على اسرار حد قدامى او اقولوا تعالى احكيلى مثلا عن بيت هو كان موجود فيه ويخليه يحكى حاجات واسرار ناس تانيه تخيلوا الفتنه دى هتهليه يبقا فى الكذب بعد كدا مبدع لانه عارف انت بتحب ايه وهيعملهولك حتى لو هو ماشافش تخيلوا احنا لنوصل ولادنا لأيه
وحاجه كمان لما الطفل يشوف أبوة وأمه بيكذبوا وهو عارف يعنى أب يكدب عالأم أو العكس وهو يبقا عارف ان دا محصلش يبقا لازم يطلع بيكذب زيهم
لما نحب نربى أولادنا نربيهم على الأخلاق والقيم الصريحه وسنه رسول الله ال لما بنحيد عنها بنجيب لنفسنا أكثر المشاكل فى حياتنا
لازم نربى ولادنا على
أيه المنافق ثلاث إذا حدث كذب وإذا وعد أخلف وإذا أؤتمن خان
صدق رسولنا الكريم
تخيلو معانا تلت صفات بيعملوا كوارث فى بيوتنا لو احد الصفات دى موجوده فى طفل أو أب أو أم كارثه طبعا بكل المقاييس
وأخيرا وليس أخرا لازم نعرف إن علاج الكذب ليس الضرب ولا العقاب النفسي المبرح العلاج انك تكلم مع إبنك وبنتك وتديهم الثقه فى إنهم يعبروا عن نفسهم وتتحاوروا معاهم دا بيقلل كتير جدا مشاكل ممكن تيجى بعد كدا
دمتم سالمين أنت وأطفالكم
شيماء حجاج
ليست هناك تعليقات:
إرسال تعليق