كيك التايجر بالجيلى مقدمة من الشيف المبدعة اسلام عصفور_موقع واذاغة اخبار العرب

كيك التايجر بالجيلى  على طريقتى
مقدمه من إسلام عصفور
مده التحضير 10 دقايق
مده الطهى حوالى 40 دقيقه

المكونات

4 بيض/ معلقه فانيليا/ كوب ونص سكر / كوب زيت  / كوب سفن آب  (أو حليب أو عصير برتقال)

  ( 3 كوب دقيق / 2 ونص معلقه صغيره بيكنج بودر  / ربع معلقه صغيره بيكنج صودا  (كربوناتو) رشه ملح

الطريقه
نضرب السوائل بالترتيب كويس جدا
وننخل المواد الجافه 3 مرات

ونضيفهم للخليط على دفعات ونقلب براحة من تحت لفوق علشان الهوا ميخرجش

ونقسم الخليط على اتنين ونضيف لواحد فيهم
2 معلقه كبيره كاكاو ندوبهم مع معلقتين حليب

ونحضر صينيه مدهونه سمنه ودقيق ونحط معلقه كبيره من الخليط الأبيض فى نص الصينيه
وفوقها معلقه من البنى وهكذا لما نخلص وندخلها الفرن على 180 ونختبرها بعد نص ساعه نشوفها استوت ونسيبها 5 دقايق فى الفرن ونطلعها

نقلبها على الشبكه تبرد ونعمل
4 باكو جيلى فراوله بالطريقه المكتوبه على العلبه ونقلل كوبايه عن المقدار المكتوب علشان يبقى متماسك

ونجيب الصينيه اللى عملنا فيها الكيك
ونحط فى القاعده موز أو أى فاكهة تحبوها
ونحط شويه من الجيلى بالمعلقه براحة
 وندخلهاالفريزر تجمد ونطلعها نضيف
 كمان شويه جيلى وندخلها الفريزر يتماسك

ونطلعها نحط الكيكه نخلى وشها للجيلى
 والقعر  فوق ونصب باقى الجيلى حواليها
براحة وندخلها التلاجه تتماسك على الأقل
4 ساعات ونحضر صينيه فيها ميه سخنه
ونحط فيها صينيه الكيك ثانيه ونشيلها
بسرعه وبعدين نقلبها