بطة بدبس الرمان وعصير البرتقال مقدمة من الشيف هبة متولى

بطه بدبس الرمان وعصير البرتقال
وارز بسمتى بالزعفران مع صلصة طماطم حاره
مقدمه من هبه متولى
مدة التحضير 30 دقيقه
مدة الطهى ساعتين الا ربع او على حسب حجم البطه
المقادير للبطه :

للتتبيله هنحتاج 2 علبة زبادى    2 بصله مبشوره    3 طماطم مبشوره  كوب عصير برتقال    معلقتين كبار زيت     معلقتين  كبار دبس رمان    ملح فلفل اسود قرفه جنزبيل زعتر روز مارى  توابل الكارى او مسحوق الكارى  ربع معلقه صغيره سماق

مقادير الارز :
*********
نصف كيلو ارز بسمتى منقوع ربع ساعه ومصفى
بصله مقطع قطع صغيره    معلقه صغيره ثوم مفروم ناعم
مكعب مرقه     نصف معلقه صغيره زعفران بودر مزاب فى ربع كوب ماء
  معلقه صغيره من مسحوق الكارى او بهرات الكبسه     ملح فلفل ابيض
            ****************
طريقة عمل البطه :
*************
1 - هنخلط كل المقادير دى مع بغضها ونتبل فيها البطه بعد ما نعمل فيها فتحات ونحشيها بالتتبيله ونغمرها فيها وتتدخل الثلاجه من باليل قبل الطهى بليله يعنى
2 - نطلع البطه قبل الطهى بساعه علشان تاخد درجة حرارة المطبخ

بتاعك
3 - هنجيب صنيه ونضع فيها معلقة زيت عود قرفه  2 قرنفل مسمار  روقة لورى  2 حبهان نشوحهم ونشيلهم من الزيت ونضع مكنهم البطه
4 - نديها صدمه كويسه وتتشوح نشيلها على جمب ونضع مكنها بصل شرائح وفلفل شرائح وطماطم شرائح يدوب يدبلو
5 - نجيب صنيه ونضع بيها ورق المونيوم ونضع فى قلبها البصل والفلفل والطماطم التشوحو ونضع فوقهم البطه
6 - ندهن البطه معلقتين صلصله مزاب فيها ملح فلفل اسود بودرة ثوم وبودرة بصل ومعلقه كبيره دبس رمان وندهن بيهم البطه
7 - نقفل على البطه بالورق الالمونيوم كويس قوى علشان البخار ميطلعش منها وتدخل الفرن على درجة حراره 240 ويكون سخن من الاول وتوضع تحت على الصاجه بتاعة الفرن لمدة ربع ساعه
8 - بعد كده نرفع البطه على الشبكه ونوطى النار لدرجة حراره 220 حتى تمام الندج ونتابع البطه اذا احتاجة ماء نضيف ليها ماء ساخن انا ضيفة بعد ساعة كوب ماء
وبعد ماتستوى تدخل تحت الشوايه تتشمع
           ***************
طريقة عمل الارز :
*************
 1 - نشوح بصله ومعلقة ثوم مفروم يدوب يصفرو
وونزل بالماء ومكعب المرء وتوابل الكبسه او مسحوق الكارى والملح والفلفل الابيض ونتركهم يغلو
2 - ننزل بالارز المنقوع والمصفى واول ما يتشرب الماء نوطى عليه حتى تمام الندج
3 - قبل ما يدخل فى الندج الكامل نكون مدوبين الزعفران فى ربع كوب ماء ونعمل فتحات فى قلب حلة الارز ونضع اللون الزعفران فيها ومنقلبش غير واحنا بنقدم الارز
اول ميستوى نقدمها
               ******************
طريقة عمل صلصة الطماطم الحاره:
*************************
نبشر 3 ثمرات طماطم ونفرم قرن فلفل اخضر او احمر حامى حراق يعنى
ونضع معاهم معلقه صغيره ثوم مفروم
ومعلقه صغيره خل  ونصف معلقه كزبره جافه
وملح وفلفل اسود ممكن زياده شاطه بس انا محتتهاش ويقلبو جيدا
وتقدم مع الارز
ويقدم معهم سلطة بابا غنوج وسلطة طحينه
وبالف هنا
مديره قسم المطبخ أ/ناهد هشام ومروه جميل