بقلم الاعلاميه : شروق محمد
بصوا بقي التمثيل خطير والأبطال مجهودهم واضح ف ادوار مختلفة وعلي رأسهم ريهام عبد الغفور بطلة2022وشكلها ناوية علي 2023، كريم فهمي ممثل قوي وركين سعد ممثلة أردنية شاطرة اوي وباقي فريق العمل .
المسلسل من تأليف ( أحمد عادل سلطان ) صاحب مسلسل ( حرب أهليه ) و مسلسل ( خيانة عهد ).
وإخراج ( كريم العدل ) مخرج فيلم ولد وبنت و فيلم مصور قتيل .. و اخرج اعمال درامية اخرى.
بصراحة مش قادره افهم تشبيه مسلسل أزمة منتصف العمر بمسلسل العشق الممنوع
الموضوع مختلف تماما
جايز الإيطار من الخارج يهيألك دا لكن لو متابع وفاهم تفاصيل المسلسل مش هتقول كدا
المسلسل عامل ضجه كبيره جدااا بين تأيد وشكر وامبهار وانا اتفق جدا
وبين هجوم علي ان المسلسل بيضرب في ثوابت مجتمع وبيحرض علي المحارم
انا شايفه ان لسه بدري جدا علي الانتقاد
انت لسه يادوب شايف البرواز مشفتش الصوره كامله
كريم فهمي او ريهام اعتقد تريخهم مفيهوش غلطه زي دي
اه اختيار جرئ لكنه اكيد وراه سبب هتعرفه مع مرور الاحداث
خلينا بدل كل الجدال دا نركز علي اداء كريم فهمي في تجسيد الشخصيه
قد اي مهتم بتفاصيل وابعاد شخصيه
يوصلك الحاله المطلوبه بالظبط
وطبعا ريهام الي حقيقي السنادي بتتفوق علي نفسها بجداره
في النهايه المسلسل تجربه مختلفه وجديده واكيد همه حرصين انهم يتناوله الموضوع من زاويه معينه
المسلسل يخطف ويجبرك تركز معاه وتكون مهتم لمتابعته
مبروك جدااا لنجاح المسلسل وفي قمه الحماس لاكتشاف الاحداث القادمه
