▪ بالنسبة للمقادير فى الاتنين واحدة يعنى كمية الدقيق بيكون نصها سمنة ولكل كيلو دقيق مقدار تلات اربع كوب لكوب لبن او ماية مش اكتر من كدة لانه هينشف الكحك .
▪ الكحك عالبارد بيختلف فى طريقة عجنه عن السخن يعنى البارد بنخلط السمنة والسكر الاول بعدين بنضيف الدقيق المخلوط بباقى المكونات الجافة والماية لكن السخن بنقدح السمنة ونضيفها عالسمسم مع المكونات الجافة واخر حاجة الماية او اللبن بالخميرة .
▪ الكحك عالبارد عمره قصير لكن السخن بيعيش مدة طويلة بالسنة
▪ اللى عالبارد بيتضافله بيكنج بودر مع الخميرة السخن لا .
▪ الكحك عالبارد خفيف ومش حامى عالمعدة والسخن تقيل جدا
▪ اللى عالبارد بيكون ليه كراست مقرمش سنة من برة وناعم من جوة ودة اللى بيتباع برة لكن اللى عالسخن بيكون ناعم برة وجوة عشان كدة بيتعمل فى البيوت .
▪ اللى عالبارد ممكن يتعمل بالزبدة لكن السخن لا لان الزبدة هتفصل لو اتغلت .
▪ تشكيل الكحك عالبارد بيكون منتظم فى تشكيله وانعم عن اللى عالسخن احيانا بيحصل فيه شقوق 😉
ودى صورة للكحك عالبارد
ليست هناك تعليقات:
إرسال تعليق