التونة البيتى مقدمة من الشيف سيد نعيم

عمل تونه فى البيت
مقدمة من الشيف/سيدنعيم
مدة التحضير/10دقائق
مدة الطهي/40دقيقة
المكونات/
سمك تونة اوماكريل
عدد7ليمون
عدد1بصلة
عدد2عود كرفس
عدد1طماطم
عدد3فص ثوم
خل
ملح/كمون
طريقة العمل
هنجيب سمك تونه أو ماكريل اللي تحبيه
وتغسليه بملح ودقيق ولمون كويس عشان الزفاره
وهتشيلي منه الشوكه اللي ف النص بعد التنضيف طبعا وتشيلي الراس خالص والديل وتحطي ميه ع النار وتسبيها تغلي وتحطي السمك فيها مع ٤ لمونات كبار وكرفس وطماطم وبصل وملح وكمون وتوم   واول ماتغلي هدي النار جدا واتركيها من35:40دقيقة بعد ما تستوي تشيلي السمك من الشوربه بتاعته واوعي ترمي الشوربه
هتشيلي جلد السمك خالص وتشيلي منه أي شوك وتفتفتيه عادي زي التونه وتكوني مجهزه طبق فيه عصير ليمون وخل وزيت وشوربه السمك وتحطي عليها السمك اللي عملتيه تونه وتستعملي منه واللي يفيض ف برطمان وع التلاجه هيقعد معاكي
وبالهنا والشفا
مديرة قسم المطبخ أ/ناهد هشام ومروه جميل