يعنى ايه صاحب نقى ؟! مملكتى مع هبه

- يعنى أيه صاحب نقى ؟! مملكتى مع هبه
كتب : حبيبه مختار
- يعنى يكون فى حياتك إنسان تخطى كل الحواجز إللى بينكم, عدى كل المسميات فى علاقتكم, قادر على تغيير مزاجك مئة وثمانين درجة للأسوأ فى غيابه وللأحلى فى حضورة, بقى فيه شئ منك وإنت فيك شئ منه..

- لما تتعب هو أول شخص يكون جمبك وأخر شخص بعد تعبك يفضل معاك, لما يحصلك مشكله هو أول إنسان يعرف وهو نفس الإنسان إللى يحلها, لو حصلك مكروه لو إتأذيت لو شعرت بالسوأ, هو يشعر بنفس السوأ وكأن مكانك جوا جسمه بدأ يألمه..

- يعنى صاحب وجوده معاك مش عشان مستنى منك شئ, مش بيحبك بمقابل شئ, مش عايز منك أى شئ, صاحب بيحبك عشان ذاتك عشان ده إنت, بيحبك فى الله أكتر ما إنت نفسك بتحب نفسك..

- يعنى مستعد يسمع حديثك الطويل عن نفس الموضوع طول الوقت من غير ملل من غير ما يحسسك إنك تقيل أو بارد وممل, وفى حالات اكتئابك  وتوترك وعصابيتك إللى زى اللموجه عالى بيقدر يوصل فيه لأهدي شط فيه بدون بصله بدون إتجاه بدون شئ وسط نوبه من الهلع صادره منك بيوصل لأهدي جزء فيك ويهديك..

- يعنى بيتمنالك الخير أكتر ما بتتمناه لنفسك, بيدعيلك إن ربنا يوفقك فى حياتك ويريح قلبك من غير ما يقولك, بيحضنك فى الوقت الصح, وبيقولك بحبك فى شكل أفعال مش مجرد كلام متزوق والأسم'  صحاب..

- الصاحب النقى هو حب من الله ليك نجمة من السما تنور عتمتك 💙 !
 مدير قسم مملكتى أ / هبه متولى