تصنيع السجق مقدم من الشيف المبدعة هناء فهمى_موقع واذاعة اخبار العرب

تصنيع السجق
مقدم من الشيف : هناء فهمي
مدة التحضير     : ساعة
مدة التسوية      : 20 دقيقة

نص كيلو لحمة كندوز
200 جرام لية ضاني او دهن لازم
نص كيلو هنك ضاني { ممبار }
نصف كوب فول صويا او برغل
نصف ملعقة صغيرة فلفل اسود مطحون
نصف ملعقة صغيرة كمون مطحون
نصف ملعقة صغير كزبرة مطحون
1 ملعقة صغيرة توابل سجق مهم جدااا
نص ملعقة صغيرة بصل بودر
نص ملعقة صغيرة ثوم بودر
1 ملعقة صغيرة ببريكا
ربع ملعقة صغيرة جوز الطيب مطحون
ربع ملعقة صغيرة حبهان مطحون
ربع ملعقة صغيرة قرفة مطحون اختياري
1 تفل بصلة مفرومة
1 قرن فلفل رومي احمر مهروس
نصف ملعقة ثوم مفروم
ملح علي حسب الرغبة
قمع بلاسيتك

1 ــ ننقع الفول الصويا او البرغل في ماء سخن لمدة 5 دقائق ويصفي من الماء ويترك لحين الاستعمال نغسل الهنك الضاني كويس اوووووي بالملح والخل والدقيق بعد تنظيفة
2 ــ يوضع تفل البصلة والقرن الفلفل الرومي الاحمر واللية الضاني واللحمة المفرومة والبرغل او الفول الصويا المنقوع في الكبة ويضرب جيدااااا
3 ــ يوضع جميع التوابل علي اللحمة ويتتبل اللحمةجيدا
4 ــ نحضر القمع البلاسيتك ويدهن بالزيت وندخل الهنك { الممبار } فية لسهولة دخول الهنك ونبتدي نحشي باللحمة زي مابنحشي الممبار العادي
5 ــ عند الحشو بنربط طرف الهنك من تحت ونحشي وبعد ما نخلص الجزء نربط الطرف الثاني
6 ــ نبتدي نمسك كل جزء من الممبار ونبروم علي اد صابع السجق اللي انتي عايزة
7 ــ بعد مانخلص كل الكمية نبتدي نعلقها في المطبخ بس بعيد عن الحرارة نعلقها علي حبل لازم ودة اللي بيشمع السجق ويحولة من لحمة مفرومة الي السجق يتعلق  يومين في الشتاء ويوم في الصيف
ملحوظة
## تعليق السجق مهم جدااااا جدااااا ودة مش هيبوظة يتعلق بعيد عن الحرارة
## ممكن نزود توابل السجق
رئيس قسم المطبخأ ناهد هشام ومروة جميل
تحياتي الشيف هناء فهمي