الحمام المحشى
مقدم من هدى المنسى
مدة التحضير نصف ساعه
مده الطهى تلت ساعة
المقادير
عدد اربع حمامات
بصله كبيره مبشوره
٤ فلفل رومى صغير
٢ حبة طماطم وسط
١ فلفل حار حسب الرغبه
ملح وفلفل وبشر جوزة الطيب وبهارات
كوب رز كبير
قطع كبد وقوانص حسب الرغبه
نصف ربطة خضرة
الطريقه
الحمام المحشى بس برز بلدى مش بسمتى هنجيب الحمام ونغسله كويس بالخل والليمون بس براحة وخلي الفرارجي مش يفتحلك زورها علشان تعرفى تحشيها
ونيجي بقه للخلطة: نشوح بصلة كبيرة مبشورة مع 4 حبات فلفل اخضرمكعبات 2 حبة طماطم مكعبات ونص ربطة خضرة مشكلة متقطعة ١ فلفل حار وكل دا يتشوح مع بعضه مع كوب رز مغسول فى معلقة سمنة ومعلقة زيت والخلطة دي تكفي حشو 4 حمامات ولما تشوحي الخلطة دي تاخد تقليبة كدا تضيفي نص كوب ماء لحين تستوى تلات تربع تسوية (ممكن تقطعي الكبد والقوانص وتتشوح مع الخلطة حسب الرغبة)
نيجي بقه لحشو الحمام: هنحشى تحت جلد الرقبة بس مش تمليها عالاخر سيبى مجال لزيادة الارز عند التسوية علشان ماتفرقعش ونحشى البطن من تحت ونلف كل حمامة لوحدة ف قطعة استرتش رول لانه افضل من الفويل الالمونيوم
بالنسبة بقه للتسوية :ونحط الحمام ف اناء به ماء مغلي وحبان وورق لاورا وبصلة وظبطى ملح الشوربة ربع ساعة واطفي النار وطلعي الحمام وفكي الاسترتش وحمري فى معلقة سمن بلدى
وبالهنا والشفا عليكم ودى الطريقه اللى بعملها وبتطلع حلوه الحمد لله
وفيه طرق تانيه بس انا بعمله كده ياريت يعجبكم يااارب
ليست هناك تعليقات:
إرسال تعليق