العناية بالاظافر
بقلم ندى العسال
لاشك فى أن الاظافر هى أحد مظاهر الانوثة لدى كل فتاة وامرأة فاليكى سيدتى بعض النصائح لأظافر صحية وعليكى بتطبيق هذه الخطوات باستمرار :
١- استخدمى مبرد الأظافر دايماً وهذبيها اول ما تطول وحاولى ماتستخدميش المبرد رايح جاى فى الاتجاهين خليها اتجاه واحد بس ولازم تكون الأظافر جافة تماماً علشان ماتتكسرش أثناء بردها ويفضل تستخدمي مبرد مش معدن ( فلّ أو خشب) لأنه بيحافظ علي صحة الضوافر (زى جيم أو تريم).
٢- خصصى يوم كل أسبوع للعناية بالأظافر،، استخدمى قطنة فيها زيت فيتامين E ومرريها على الأظافر والجلد المحيط بيها وبعديها حطى كريم مخصوص للعنايه بالاظافر زي ( هاند كريم نوكس أو أفن أو دوف هاند) ومقوى أظافر وده بيساعد على تغذية وتقوية ضوافرك وتصحيح نموها (زي إكرينال مقوي الاظافر
وده في ماده محفزة علي نمو الأظافر ).
٣- لو دايماً بتحطي طلاء الأظافر بلاش تستخدمي مزيل طلاء بيحتوي علي أسيتون لأنه بيضعف الضوافر،، واستبدليه بمزيل فيه اسيتات عشان مش بينشف الأظافر زي الأسيتون (وده موجود في اسيتون برجوا وان ساكند البينك).
٤- المياه مهمة جداً لصحة الأظافر , اشربي من 2 لـ 3 لتر يومياً.
٥- الأظافر بتتكون من طبقات مقواة من بروتينات (الكيراتين) وعشان كده لازم تهتمى بأكل البروتينات زى اللحوم البيضا والحمرا ومنتجات الألبان ومنتجات الصويا وغيرهم لانها هتساعد في تحسين صحة اظافرك.
٦- اختاري الأكل اللى بيحتوى على الحديد وأوميجا 3. الحديد لصحة شعرك و أظافرك وجلدك، وهو متوفر في منتجات الحبوب الكاملة.. زى الخضروات الورقية (السبانخ) و اللحوم الحمراء والبيض، و الأوميجا 3 موجودة في المكسرات ،، الأحماض الدهنية دى هتحافظ على ضوافرك من التشقق.
٧- ماتستخدميش ضوافرك كأداة لشد أو فتح أى حاجة لان ده هيضعفهم ويكسرهم ،، لما تحافظى على ضوافرك من كل ده هتفضل قوية وجذابة وهتنمو بشكل صحى اكتر.
مدير قسم مملكتى بموقع اذاعة اخبار العرب أ. هبة متولى برئاسة ا. حمدى محمد
ليست هناك تعليقات:
إرسال تعليق