قصيدة ❤ غير أى أم
كلمات وتأليف / ندى العسال
مش مهم تكون عيونك لونها اخضر
ومش مهم يكون جمالك زى بدر الكون منور
المهم انك ياغالية فيكى شئ تانى غير عبيرك
غير حنان عمرى ماشفته فى حد غيرك
شئ واخدنى غصب عنى بيحتوينى
بيزرع الاحلام فى دربى
ويمسح الدمعات فى عينى
يحتوى خوف جوة منى
ويفرش الفرحة فى سنينى
يبقى حقى لما بلسانك اغنى او اقولك
انك انتى ياامى حتة منى
ايوة انتى حتة منى
انتى نبضى وانتى عينى
انتى احلامى وسنينى
انتى همى وانتى حضنى وانتى تاج فوق جبينى
انتى نور حياتى وعمرى
انتى أمى غير أى ام
انتى امى اللى ربتينى
شلتى همى فوق كتافك
فكرتى فيا من يوم زفافك
ازاى اشيل وازاى اكبر
طب ياربى ياترى هقدر
والدنيا تلف وتدور وسنين كتير من العمر تمر
ويجى عليا الدور واحس بالتعب والمر
واقول ياااااه ياامى قد ايه انتى كنتى غير اى أم
مهما قلت مش هقدر اوفى
بحق واحد من حقوقك
لو سمحتى تسمحيلى انى اغنى او اقولك
انك انتى حتة منى
ايوة انتى حتة منى يااغلى أم .😢
مدير قسم مملكتى بموقع اذاعة اخبار العرب ا. هبة متولى برئاسة ا. حمدى محمد
ليست هناك تعليقات:
إرسال تعليق