طاجن ميه مقدم من الشيف المتجدد/حسن كمال

طاجن لحم
 مقدم من الشيف/حسن كمال حسين
 مدة التحضير 45 دقيقة

مدة الطهى 60 دقيقة   
 المقادير

 كيلولحمة مقطعة مكعبات
    2 ثمرة بطاطس مقطعة مكعبات
    باذنجان رومي مقطع مكعبات
    ثمرتين جزر مقطع مكعبات
   
    2 ثمرة بصل متقطع حلقات او جوانح
    3 قص توم مهروس
    كوبايتين عصير طماطم متصفية
    معلقتين صلصة طماطم متدوبة في كوباية ونص ماية
    ملح وفلفل اسود وبهارات
    فصين مستكة
    معلقة سمنة
ورق لورى
طريقة التحضير:

    حطي السمنة في حلة غويطة وسيحي فيها المستكة
ثم  حمري فيها اللحمة شوية لغاية ما تتشرب مايتها ويبقى لونها بني
    شيلي اللحمة في طبق خارجي
    حمري البصل مكان اللحمة لغاية ما يبقى لونه اصفر
    ضيفي الثوم لغاية ما الاتنين يبقى لونهن دهبي
    ثم حطي الخضار والتوابل وقلبيهم كويس مع البصل والثوم المتحمرين لغاية ما الخضار ياخد من لون وطعم البصل
    هاتي طاجن الفخار او البايركس حطي نص الخضار وبعدين اللحمة وبعدين نص الخضار التاني
    حطي الصلصة والطماطم فوق الخضار وغطيه بالفويل او الغطا الفخار ودخليه الفرن على حرارة متوسطة لغاية ما اللحمة تستوي
    شيلي الغطا وشغلي الشواية عشان الوش يتحمر وبعدين قدميه والف هنا
كتبت بواسطة ام ميدو