نصائح ذهبيه مقدمه من شيف كريمه علي

مقدمه من/ كريمة علي.
فقره تهم ست البيت
نصايح من دهب....
😉😉😉😉😙
1_ لو لبس اطفالك مليان بقع حطي وانتي بتغسليه 2 معلقه ملح الليمون و 2 معلقه بي كربونات وهيبقي عسل عسل عسل
2_ اهتمي بجمال مطبخك لو الكبه او الخلاط او العجان مليان زيوت هاتي بخاخه فيها ميه وحطي فيها معلقيتن كبار ملح الليمون وحطي علي فوطه مبلوله و سبيهم 10 دقائق وبعدين امسحي بليفه وهتبقي شمعه منوره
3_ متنسيش كل اسبوع تنظفي التلاجه من اي حاجه ملهاش لازمه وتحطي فحمايه في طبق علشان تسحب الروايح
4_ بانيو الحمام والحوض مجيرين هقولك علي حل يا قلبي هاتي فوطه قديمه وحطي شويه خل وكربوناتو حلوين وامسحي الحوض و البانيو بيهم و شوفي اللمعان هيبقي عسل عسل عسل بس اشطفيه كويس
5_ متنسيش بعد كل عشا تنظفي بوتجازك علشان متتراكمش عليه الدهون وبيبقي مش حلو ولو اتراكمت حطي خل و بي كربوناتو وسبيه 5 دقائق وهتشوفي عسل
6_ لو عندك هدوم بتبهت حطيها في طبق مع شويه خل لمده ساعه علشان اللون يثبت
7_ افتحي كل الشبابيك كل يومين جددي الاكسجين حتا لو الجو برد
8_ لو ابنك مغلبك في المذاكره بلاش اسلوب الضرب ابعدي عنو خالص انتي ام يعني الحنيه كلها فيكي و خديه براحه وهيفهم
9_ لو أبواب الاوض مش نظيفه حطي معلقه اريال في بخاخه و معلقه ملح ليمون و معلقه معطر علشان الريحه ورشي وسبيه شويه وامسحي بفوطه هيبقي عسل