المقادير
لكل كيلو لحمة كيلو الا ربع رز وبصلة متوسطة ومعلقة كبيرة توم مفرم وحزمتين من كل نوع بقدونس كسبرة شبت وواحد فلفل رومي ولو تحبيها اسبيسي حطي فلفل حار ونص معلقة صغيره من الملح الفلفل الكمون بهارات لحمة نعناع ناشف اضافة نص معلقة صغيره من البيكربونات الصوديم بتساعد على تماسك الكفته (والملح على حسب ما انت تحبي) (ملحوظه) علشان الكفته متفكش منك حطي ( بصلايه واحدة فقط متوسطه ) اضافة بصل كتير بيفك الكفته. ونقلب كل المكونات و تتفرم ٣ مرات علشان تنعم كويس جدا جدا وندخلها التلاجة ساعتين وبعد كدة بنولع فحماية كبيرة وننزل بيها في وسط الكفتة قبل مابنحمرها وبمعلقة سمن بننزل على الفحماية بتاعتنا وبنغطي بسرعة علشان الكفتة تاخد طعم الشوي دي خطوة اولى بعد كدة بنصبع الكفتة بعد ١٠ دقائق ونقليها عادي جدا لحد مابنخلص الكمية ونكون محضرين بصلة متوسطة ومعلقة سمن لحد ماتاخد لون ذهبي انزل ب ٣ اكواب شوربة او ماء فيها مكعبين مرق واضيف رشة من بهارات اللحمة واول مايغلو انزل بالكفتة لحد ماتستوي وطبعا على نار هادية وتكون كمان شربة كل السوائل ولو احتاجت مياة ضيفي مفيش مشكلة بس مش كتير لحد ما تستوي ولتاني مرة اكون مجهزة فحماية للحصول اكتر على طعم الشواء وانزل بيها في منتصف الكفتة واضيف القليل من السمن واغطيها مرة تانية وحقيقي طعم وهمييي ومختلف وبكدة بتكوني قدمتيها بطريقة جديدة والكل هيحبها جدا وبالف هنا على قلوبكم احبائي وممكن تقدمي جمبها سلطة طحينة وسلطة طماطم وبطاطس محمرة او رز ابيض او مكرونة براحتك زي ماتحبي اعملي #للطبخ_ابداع #طبق_من_اطباقي #الشيف_سماح_عطية❤️
ليست هناك تعليقات:
إرسال تعليق