مدة التحضير ..٦٠ دقيقة
مدة الطهي ..٦٠ دقيقة
اولا عندي بط غسلتة كويس اوي اوي ونقعتة في مية وملح ولمون ربع ساعة بعد كدة في حلة علي النار فيها مية بتغلي نزلت ببصل متقطع وحبهان وورق لوري وفلفل اسود وملح ومعلقة سكر وطمطماية متقطعة وجرزة الكلام دة اسمة البوكية جارنية وبعد كدة نزلت بالبط بعد ماغسلة من مية النقع لحد مااستوي طلعتة من الشوربة جبت معلقة زبدة صغيرة وعليها معلقة مستردة ومعلقة عسل ابيض قلبت كلة مع بعضة ودهنت البط بالفرشة ودخلتة الفرن تحت الشواية ياخد لون جميل المحشي العالمي بقي جبت كوبين فريك غسلتهم كويس جدا ونقعتهم في مية سخنة نصف ساعة وبعد كدة اصفية كويس اوي وفي حلة علي النار فيها ٣ معالق زيت ذرة انزل بالبصل لحد مالونة يصفر انزل بعصير الطماطم ومعلقتين الصلصة واضيف التوابل ملح فلفل اسود كمون بهارات المحشي معلقة صغيرة من كل نوع واظبط الملح ولما قوام الصوص يتقل كدة بيكون عندي جاهز اضيف الفريك واقلب كويس وبعدين خضرة المحشي شبت كسبرة بقدونس حزمة من كل نوع متقطعة واضيف كمان شوية من النعناع الفريش او الناشف واخر حاجة واحدة من الفلفل الرومي اقطعها صغير بتدي طعم وهمي لاي محشي واكون معصجة لحمة اضيف الكمية اللي احبها تمام كدة ابتدي احشي الكرنب وطبعا مسلوق ومتقطع احشي عادي جدا لحد مااخلص الكمية اللي عندي اضيف الشوربة وطبعا هنا شوربة البط ولازم الشوربة تكون مغلية وتكون ارتفاعها اقل من المحشي يعني الشوربة ماتكونش فوق المحشي تمام كدة وانا كمان عملت محشي فلفل تقدري تعملي بالخلطة دي اي محشي تحبية. اول المحشي مايغلي اهدي النار لحد مايستوي بعد كدة عوزة اقولكم ان الطعم وهمييييي بجد وكمان انا ولعت فحماية في المحشي علشان ياخد طعم وريحة الشوي وطعم احلي من اي محشي في العالم اتمني انكم تجربوة
ليست هناك تعليقات:
إرسال تعليق