اسم الوصفه / ملف شامل عن عمل البط
مقدمه من / الشيف مرمر
🌹 كل سنه وانتم طيبين 🌹
دكر البط الراعى الرسمى اول يوم رمضان
ملف شامل جميع أنواع البط
لمنع زفارة البط يبقع فى ماء مضاف اليه2 معلقة دقيق مع معلقة كبيره ملح ومعلقه كبيره خل مع معلقه كبيره عصير ليمون يخلط جيدا وينقع فيه البط لمدة ساعه ثم يشطف بماء جارى
🍂البط بالبرتقال 🍂
كوب عصير برتقال
١/٢ كوب ماء بصل
معلقة صغيره ملح
١/٢ معلقة فلفل
١/٢ معلقة بهارات لحمه
شرايح برتقاله
تحضر ابتتبيله يوضع كل المكونات السابقه فى ب له وتقلب جيدا ثم تتبل بيها البطه من الداخل والخارج وتترك فى التتبيله اكبر وقت ممكن
ونضع شرايح البرتقال.اخل البطه وتوضع البطه فى كيس حرارى او فى صنيه وتغطى بورق الفويل تدخل فرن ساخن على 200حتى السوى ثم تقدم
🌿🌿🌿🍁🍁🍁🍁🌿🌿🌿
🍁 بط محمر🍁
دكر بط
2معلقه كبيره سمنه
3 فصوص مستكه
4 حبهان
1 ورق لورا
بصله مقطعه على 4
فلفل اسود
2 لتر ماء
(التحمير)
2/1 كوب زيت
2/1 كوب سمن
معلقه كبيره عسل ابيض
2/1 كوب صلصه
معلقة صغيرة زعتر
معلقة صغيرة روز مارى
معلقة صغيرة ملح
معلقة صغيرة فلفل
-فى حله على النار نضع سمن ناخد البط صدمه من الجانبين ونضيف مستكه وحبهان وورق لورا وفلفل وبصل ونقلبهم مع بعض ونضيف الماء المغلى ونسيبها تستوى على نار هاديه
ولمه البطه تتستوى ندهن البط بالخلطه الاتيه
-وفى بوله نضيف الزيت والصلصه والعسل وزعتر وملح وفلفل وروز مارى ونقلبهم مع بعض وندهن بيهم البطه
وندخلها تاخذ اللون الذهبى
🍄🍄🍄🍄🍄
بط محشى فى الفرن
دكر بط
2/1 كوب زيت
3 فصوص مستكه
2/1 كيلو بصل احمر شرائح
معلقة صغيرة ملح
معلقة صغيرة فلفل
معلقة صغيرة كمون
4/1 كيلو زبيب
2/1 كيلو ماء مغلى
2 عدد ليمون
2معلقه كبيره صلص
ابره وخيط
(التسويه1)
4/3 كوب سمنه على زيت
2 بصله مقطعه على 4
5 عدد مستكه
5 عدد حبهان
2 عدد قرانفل
3عدد ورق لورا
معلقة كبيره عصير ليمون
2 لتر ماء مغلى
(التسويه2)
2معلقه كبيره سمنه
2معلقه كبيره صلصه
2معلقه كبيره عسل ابيض
معلقة صغيرة ملح
معلقة صغيرة فلفل
-فى حله على النار نضع سمن ونضع فى البصل والمستكه والزبيب والملح والكمون والفلفل ونقلبهم مع بعض كويس
فى بوله نضع الخليط السابق ونقوم بوضعه فى البطه ونخيط عليه
-فى حله على النار نضع الزيت والمستكه والحبهان وورق الورا
-ثم نضع البطه وتشوح على جميع الجهات ثم نضع عصير الليمون
-ثم نضيف الماء المغلى على البطه ثم نضع الملح والفلفل تستوى بعد ساعه تقريبا
ولمه تستوى نعمل التسويه التانيه
-فى بوله نضع السمن والصلصه والعسل والملح والفلفل ونقلبهم مع بعض كويس
وندهن بيها البطه من الخارج
-وتدخل الفرن لمدة 25 دقيقة ثم تقدم
🍁🍁🍁🍁🍁🍁🌼
🌼بط مارته🌼
دكر بط
(الحشو)
2\1 كيلو بصل شرائح
4/3كوب زبيب
معلقه صغيره ملح
معلقه صغيرة فلفل
معلقه صغيرة بهارات لح
معلقه صغيرة جوزة الطيب
2 لتر ماء مغلى
بصل على 4
1 جزر شرائح
1 كرات
1 كرفس
2 حبهان
2 ورق لورا
معلقه صغيرة ملح
معلقه صغيرة فلفل
(التوبينج)
2معلقة كبيره صلصه
2 سمن على زيت
معلقه كبيره عسل ابيض
معلقه صغيرة ملح
معلقه صغيرة فلفل
معلقه صغيرة زعتر
معلقه صغيرة روزمارى
- فى بوله نخلط بصل وزبيب وملح وفلفل وبهارات وجوزة الطيب ونقلبهم مع بعض كويس
- نجيب دكر بطه ونحشى بالخليط السابق ونتبله بالخليط من الخارج كمان ونقفله كويس من البطن بخيط وابره
- فى حله على النار فى ماء مغلى وبصل وجزروكرات وكرفس وورق لورا وحبهان وفلفل وملح ونضع البطه ونسيبها تستوى على نار هاديه لمدة ساعه
فى اناء على النار نضع سمن وزيت وصلصه وعسل وملح وفلفل وزعتر وروزمارى وتاخد غلاوة ونرفعها من على النار, ونجيب صاج ونضع فى البطه وندهنها بالخليط السابق , وندخلها الفرن تتحمر
🍀🍀🌾🍀🍀🍀
البط البورسعيدي
بطه
اربع بصلات كبار مقطعين مربعات صغيره جدا
ربع معلقه صغيره كمون
اقل من ربع معلقه صغيره فلفل
اقل من ربع معلقه صغيره بهار لحمه
4 فصوص مستكه
4 فصوص حبهان
4 ورقه لوري
معلقه كبيره سمنه
نصف معلقه صغيره ملح
جزره مقطعه
عود كرفس
🌾مقادير دهان البطه قبل دخولها الفرن للتحمير 🌾
2 معلقه كبيره كاتشب
ربع معلقه صغيره فلفل اسود
ربع معلقه صغيره ملح
نصف معلقه كبيره زبده
ليمونه
(ثم تخلط هذه المكونات مع بعض ونضعها في طبق لحن لحين الاستخدام )
يتم نقع البط في خل وملح وميه لمده نصف ساعه عشان نشيل من الزفاره بتاعتها ثم اشطفي البطه جيدا ونضعها في المصفه لا يتم تصفيتها
ازاي نعمل المراته ( حشوالبطة )
نجيب حله نضيفه ونضع فيها نصف معلقه سمنه و نصف كوب ماء ثم نضع فيها البصل المقطع والملح و الكمون و بهار اللحمه 2 فص مستكه و 3 فصوص حبهان و الفلفل ورقتين لوريثم نسيبها تغلى على النار لغايه لما الميه تختفي من الحله هيبقى كده المراته استيوت خلاص بعدين نطفي النار عليها ونسيبها تبرد
ونحشي البطه بالمراته ونقفلها بالخله او بالخيط بخياطتها حسب الرغبه ثم نضعها في حله فيها ماء مغلي تغلى غلوتين ثم نكب الميه بتاعتها ونشطفها ونسبها تتصفي
نجيب حله نضيفه تانيه نضع فيها نص معلقه السمنه المتبقيه و2 فص المستكه و 2 فص الحبهان واتنين ورق لوري ثم نضع البطه ونقوم بالتقليب دقيقتين ثم نضع عليها الماء المغلي لحد ما يغطيها ونضع عليها اقل من ربع معلقه صغيره فلفل و اقل من ربع ملعقه صغيره كمون ثم نضع الجزر المقطعه وعود الكرفس ثم نسيبها تغلى غلوه ونوطى النار عليها و قبل تسويه البط بنصف ساعه نضع نصف معلقه ملح صغيره
بعد تسويه البطه نقوم بدهان جانب واحد من البطه بالدهان المجهزلها ثم نضعها في صينيه مدهونه زيت في الشوايه في الفرن واول لما يتحمر الجانب ده يتم قلب البطة ع الجانب الاخر ثم نعيد نفس الخطة ونقوم بدهان الجانب الثاني من البطة بالدهان المجهز لها ونرجع تاني ندخلها الفرن وعند تحمير البطة ع الجانبين تكون جاهزة للأكل
🎄🎄🎄🎄🍀
البط الرستو
دكر بط
(التتبيله)
بصل مبشور
طماطم مبشورة
جزرمبشور
ثوم مفروم
صلصه
زعتر
زيت
ملح
ففلل
بهار
(الحشو)
شرائح بصل
شرائح جزر
شرائح كوسه
شرائح طماطم
شرائح برتقال
صلصه
كرفس
بقدونس
زيت
ملح
فلفل
بهار
(التوبينج)
صلصه
عسل ابيض
زيت
سمن سايحه
زعترمفروم
ملح
فلفل
- نجيب بطه ونغسلها كويس بماء وخل وعصير ليمون ودقيق ونشطفها كويس اوى- فى بوله نخلط بصل مبشوروطماطم مبشورة وجزر مبشورة وثوم مفروم وصلصه وزعتروزيت وملح وفلفل وبهارونقلبهم مع بعض ونتبل بيها البطه من برا وجوا وبين الجلد ونسيبها فى التتبيله لمدة ساعتين على الاقل
لعمل الحشو
- فى بوله نخلط شرائح بصل وشرائح برتقال وشرائح كوسه وطماطم وجزروصلصه وكرفس وبقدونس وزيت وملح وفلفل وبهار ونقلبهم مع بعض ونحشى بيهم البطه ونقفلها ببصله كبيرة
- ونجيب صاج او صينيه ونضع فيها باقى الحشوونضع البطه عليها ونضيف ماء مغلى ونغطيها بورق فويل
-وندخل البطه الفرن على 180 درجه لمدة من ساعه لساعه ونصف
لعمل التوبينج
- فى بوله نخلط صلصه وعسل وزيت وسمن وزعتر وملح وفلفل ونقلبهم مع بعض وندهن بيها البطه وندخلها تحت الشوايه تاخذ لون دهبى
💐💐💐💐💐💐
البط الدمياطي
ذكر بط منظف جيدا
الحشو:
2/1كوب زيت
3 فصوص مستكه
نصف كيلو بصل جوليان
معلقه صغيرة ملح
معلقه صغيرة فلفل
معلقه صغيرة كمون
كوب زبيب
2كوب ونصف ماء ساخن
ابرة وخيط
التسوية:
2 معلقه كبيره سمته
2 فص مستكه
3 فص حبهان
معلقه كبيره عصير ليمون
معلقه صغيرة ملح
معلقه صغيرة فلفل
التوبينج:
2 معلقه عسل ابيض
2/1كوب زبده سايحه
كوب صلصة طماطم
معلقه صغيرة ملح
معلقه صغيرة فلفل
ضعي المستكة مع السمنه والبصل على النار حتى تنضج مع التقليب المستمر، ثم أضيفي الزبيب المنقوع سابقاً في ماء ساخن لمدة نصف ساعة، وأضيفي الملح والفلفل.
انقلي الخليط السابق إلى وعاء زجاجي، ثم قومي بوضع الحشو داخل البطة بعد تنظيفها جيداً وتصفيتها من الماء.
قومي باستخدام الخيط بغلق المكان الذي أدخلتي الحشو منه إلى البطة.
أضيفي الزيت النباتي والحبهان والمستكة في وعاء آخر كبير على النار ثم ضعي البطة في السمنه مع التقليب المستمر على جهاتها جميعاً.
أضيفي عصير الليمون إلى البطة بعد أن يكون لونها ذهبي، ثم أضيفي الماء المغلي إلى البطة مع إضافة الملح والفلفل وتترك حتى السوى
ضعي الصلصة (التوبينج) فوق البطة في جميع جهاتها ثم أدخليها الفرن.حتى يصبح لونها دهبى
لتحضير التوبينج:
ضعي الزبدة تذوب في وعاء ثم العسل الأبيض وعصير الليمون وصلصة الطماطم ، ثم أضيفي الزيت النباتي ويضع على البطه
🎋🎋🎋🎋🎋🎋
البط بالفريك
المقادير:
بط
كوب فريك
2 بصله مفرومة
معلقه كمون
وربع معلقه فلفل أسود
وطرف معلقه بهار لحمه
ونصف معلقة ملح
2 فص مستكه
2 فص حبهان
و3 ورقات روري
معلقه كبيره سمنه
ينقع الفريك في ماء ساخن وتكون البطة مغسلول كويس جدا وفي طبق آخر نبشر البصل ويضع عليه البهارات كلها ونصف معلقه السمنه فى حله تتشوح البصله ثم نضيف الفريك ومع نصف كوب ماء وتستوى ٣/٤ سوى ويبرد ونحشي البطة بالفريك ويقفل عليه بابره وخيط
ونضع في الحله معلقة سمنه وحبهان ومستكه ونضع عليهم البطة قبل السواه تضعي الملح ولما تستوي البطة تضع في صينية و تدهن معلقه صلصة كبيرة ملح فلفل أسود زعتر ونصف معلقه زبدة وتدخل الفرن
🌸🌸🌸🌸🌸🌸
البط المحشى
بطه مغسوله بماء وملح وليمون
(الحشو)
1 جزر قطع
1 كرات قطع
1 كرفس قطع
1 طماطم قطع
1 بصل قطع
معلقة كبيره صلصه
2معلقه كبيره زيت
2معلقه كبيره سمنه
معلقة صغيرة ملح
معلقة صغيرةصغيرةفلفل
1 لتر ماء للسلق البطه
طريقهالتحضير:
نخلط الجزر والبصل والكرات والكرفس والطماطم والملح والفلفل والصلصه ونحشى بيهم البطه
ونسخن الزيت والسمن وندى البطه فيهم صدمه من كل الاجزاء ثم نضع فى الماء المغلى بصل وفلفل اسود وملح
وورق لورا وحبهان ونحط فيها البطه لحد ما تستوى ولمة تستوى ويتقعد على النار ساعه وربع
ندهنها بالصلصله وتدخل الفرن لمدة 25 دقيقه
بالف هنا وكل سنه وانتم طيبين
ليست هناك تعليقات:
إرسال تعليق