تشيز كيك كنافه بالتمر
والله الحاجات دى غاليه جدا بره
فى البيت انضف واحلى والمكونات موجوده فى كل بيت ذبادى قطع جبنه اى نوع تمر طرى او عجوه وصفه سهله وبسيطه وحتنبهروا بيها
بسم الله
المكونات
اولا باكو كريم شانتيه مخفوق باللبن او مياه
ملعقه كبيره مليانه جيلاتين بودر مدوب فى ملعقتين مياه ونتركه على جنب
ربع كيلو كنافه متفرزه نطلعها ونفركها بالايد نضع عليها ملعقتين سمنه ونحمرها على النار او بالفرن ونقلب من وقت للتانى وعندكم صوره بشكلها بعد التحمير
واضع على الكنافه بعد التحمير ٤ ملاعق شربات واقلبها كويس واضعها فى صينيه التشيز كيك
نضع بالخلاط علبه ذبادى
نصف كوب تمر طرى او عجوه
٤ قطع جبنه كيرى او لافاش كيرى
نصف كوب لبن
نصف كوب قشطه اى نوع والاحسن وش اللبن
ونضربهم كويس جدا جدا مع بعض ثم اضع الكريم شانتيه والجيلاتين واضرب ضربتين واضعهم على الكنافه وادخلهم الفريزر للتجميد ثم ازين حسب الرغبه انا زينت بصوص نوتيلا وصوص كراميل
ممكن نزين بتمر ممكن مكسرات المتاح
ملحوظه الجيلاتين لما نضعه بالمياه ونتركه على ما نخلص حنلاقيه جمد حطيه بالمايكرويف ثوانى او على حمام مياه ساخن حتلاقيه ساح الف هنا
ليست هناك تعليقات:
إرسال تعليق