ترهلات الصدر مع المدربه المصرية : دينا ابراهيم !

المدربه : دينا ابراهيم

ترهلات الصدر

كتييير جدا بنات بيسألوا  

هل في تمارين معينه ممكن تكبر الثدي

وإيه حل مشاكل ترهلات الصدر وخصوصاً بعد الرضاعه

ركزي معايا هاقولك بإختصار الصدر عباره عن إيه ..

الصدر عباره عن أنسجه وخلايا دهنيه وغدد متعدده وقنوات لبنيه .

وواخد شكل نص دايره مرتكزه علي عضلة القفص الصدري

يعني باختصار العضله اللي هاتلعبي عليها واخده شكل مسطح تحت منحني الصدر ..

مش واخده شكل بروز الصدر

طيب لما حد ييجي يقولك في تمارين لتكبير الصدر

يبقي بكل بساطه بيضحك عليك (واديله دي )

لأن مهما إشتغلتي بتمرينات للصدر إنتي بتشتغلي علي

العضله المسطحه اللي تحته مش علي النسيج الدهني البارز

يعني إييييييهتمرينات الصدر مالهاش لازمه

طبعا ليها مليون الف لازمه

لأن تمرينات الصدر بتقوي العضله اللي الصدر محمول عليها

وبالتالي بتشده وبترفعه وتخلي شكله جذاب وجميل

وخصوصا بعد الترهلات اللي بتحصل بعد الرضاعه .

لكن مش بتكبرررررررررر الصدر
ولوحد قالك غير كده يبقي بيضحك عليكي انتي لو زودتي ف سعراتك من الاكل طبيعي وزنك هيزيد وحجم صدرك هيزيد مع تمارين الصدر هترفعه وتشده ويبقي شكل ممتاز

ونصيحه

لازم تهتمي بالموضوع بعد كل رضاعه ماتستنيش وتقولي
لما أخلص ولاداتي3 أو ال 4

لأن كل ماقويتي العضله من البدايه
كل ماكانت النتايج أفضل وأسرع

طيب إيه اسباب صٍغر او كٍبر حجم الثدي

أسباب تفاوت حجم الثدي هي :-

أولاً وأخيراً أسباب وراثيه ولا علاقه لأي سبب أخر فيها وممكن كمان حماله الصدر بتاعتك اللي مش مناسبه لحجم الصدر وطول الفترة اللي بتلبسيها فيها وعادات خطأ بتأثر برده زي النوم ع البطن وعدم شرب ماية كتير وزيادة او نزول ف الوزن بشكل سريع

طيب إيه التمرينات اللي ممكن تساعدني في شد ورفع الصدر واعطائه شكل جميل

نزلتلك تمارين كتير اهي اعملي Save للبوست عشان تفضل قدام عينك ع طول

هتساعد كل واحده في تغيير شكل الصدر وشده ورفعه

ومناسبه لأي بنت كمان علشان تساعدها بعد كده علي منع

حدوث ترهلات مستقبلا بإذن الله

التمرينات دي هاتعمليها 3مرات في الإسبوع

كل تمرين(( 4جولات __15عدًّه))

وتستمري عليها روتين حياه هاااااا يعني ع طووول

علشان تلاقي نتايج ولا أروع

مش تزهقي من أول شهر وتقولي اصل ملقتش نتيجه

محدش يكلمني يقولي اكتبيلي نوع كريم لشد الصدر او يبعتلي صورة لمنتج ويقولي ده حلو !!
هزعلك مني وهعملك بلوك لانك كده بتضري نفسك عن جهل
تعالي اشرحلك الكريمات والمنتجات دي مهما كانت براند غالي ونضيف ف هو عبارة عن اي وهيسببلك اي
الكريمات دي فيها مزيج عالي من اعشاب وزيوت مع مركبات وعناصر كيميائية بتساعد ف شد انسجة الثدي
وطبعا ده هيسبب اثر ع اصحاب البشرة الحساسة
وكمان استعمالها عاوز استمرارية والاستمرارية دي بتحفز انقسامات الخلايا السرطانية فهتعملك سرطان ثدي
وكمان المنتجات دي بتأثر ع افرازات الهرمونات التناسلية ورفعها اعلي من معدلها الطبيعي فهيعمل اضطرابات عمل المبايض الانثوية وخلل ف انتظام مواعيد الطمث

طب ممكن حل طبيعي يساعد مع التمرين والتغذية
اه طبعاااا ممكن ورقة وقلم واكتبي معايا

عندك بذور الحلبة : دي فيها خصائص بتعزز نمو الخلايا الموجودة ف الثدي
هاتي ربع كوباية حلبة مطحونة حطي عليها ماية وسيبيها عشر دقايق كده تتماسك مع بعض ودلكي الثدي بيها مرتين ف الاسبوع

زيت الزيتون : مصدر غني بمضادات الأكسدة والأحماض الدهنية اللي بتمنع ترهل الثدي وبيحسن ملمس البشرة ويوحد لونها دلكي بحركة دائرية التدليك مهم جدااا هينشط الدورة الدموية ويزيد تدفق الدم وينشط الخلايا الموجودة ف الثدي
اعمليها من 4 ل 5 مرات ف الاسبوع

الخيار مع صفار البيض : الخيار بينعم الجلد جدااا وصفار البيض فيه نسبة عالية من الفيتامينات والبروتينات اللي بتعالج الترهل هنهرسهم مع بعض ف الخلاط وتحطي عليهم معلقة زبدة وتفرديه ع الثدي وتسيبيه نص ساعه
اعملية مره ف الاسبوع هيقوي انسجة الثدي ويشد الترهل

بياض البيض : فيه خصائص قابضة ومغذية للبشرة بيحتوي ع دهون مائية بترفع الجلد المترهل الموجود حول الثدي
هتخفقي بياض بيض لحد ما تعمل رغوة وتسيبيه ع الثدي نض ساعه وتغسليه بماية بصل وبعدها ماية
اعملي كده مره ف الاسبوع

وعندك حاجات كتير ابسطها هاتي تلجة ودلكي بيها او قشر رمان مطحون او جل صبار او بذور الشيا

تاني هقول التمارين دي هتشد ترهلات الصدر واللي عاوز يصغر حجم الصدر هيزود كارديو قبل التمارين دي ويزود العدات ف كل مرة بالتدريج
طب اللي عاوز يكبر هتزودي سعراااااااااتك ف الاكل وتقللي الكارديو وتتمرني التمارين دي بإستخدام اوزان هنزودها بالتدريج ف كل تمرينه ونقلل العدات