بقلم / شيماء ربيع
تم النشر بواسطة: عمرو مصباح
الفيس بقي عبارة عن صفحة وفيات
شئ مقبض بجد كل ثانية نقرأ خبر وفاة حد
نعرفه أو ما نعرفعوش نترحم عليه هيجي اليوم
اللي بدل ما بنترحم علي الأموات هيترحموا
علينا أهل الدنيا
أعمل لأخرتك أرضي ربنا أولا والناس ثانيا
عامل الناس زي ما تحب أنهم يعاملوك صدقني
وصدقيني لو مشيتوا بالمقولة دي هترتحوا
كتير زي ما تحب الناس تعاملك عاملهم أنت
الأول
الكلمة الطيبة صدقة الأبتسامة صدقة
فعل الخير أهم حاجه هي اللي هتقعدلك في
تربتك ويوم أخرتك
عمل الخير شئ جميل بس في محله وفي أوجه
الخير الصح المخصصة لعمل الخير
لو تقدر تخدم حد وقادر علي الخدمة دي ما
تتأخرش ربنا أختص ناس بتخليص حوائج
ناس ودا من محبة ربنا للشخص دا
أختصه عن بقيه الناس بتخليص حوائجهم
يا بشر فوقوا قبل فوت الأوان يوم لا نفع فيه
الأ عملك الصالح ولا مال ولا بنون
الدنيا والله مش مستهلة علشان تتعبي نفسك
وتروحي تأذي غيرك بأسحار وأعمال سفلية
وتخسري أخرتك السحر من الموبقات السبع
وخلاص السحر بقي موضة حاليا اي حدمضايق
من حد يروح يأذيه ويضره في شغله ويوقف
حياته كلها زي اللي طالع اليومين دول بيحكي
أنه عمل سحر بالمرض لفيفي عبده علشان فلوس
أنت بالشكل دا عملت محكمة لنفسك في الدنيا
وحاكمت بيها فيفي عبده
ما أستنتش ربنا يجبلك حقك
عملت قانون لوحدك ومشيت عليه والسوشيال
ميديا كلها بتتكلم معاك في الموضوع دا
ما لقتش مذيع أو مذيعه يقولولك انك عملت نفسك القاضي والجلاد وحاسبت فيفي وما سبتش الحساب لربنا
أذن الضر والنفع بأيد رب العباد
لقوله تعالي ( وما هم بضارين به من أحد الأ
بأذن الله )
أتقي ربنا وأنتي كمان أتقي ربنا راجل أو ست
كبير أو صغير أستعينوا بالله ولا تستعينوا
بالبشر لأذيه غيركو
الموت المفاجئ بقي في كل لحظة ما تقولش
بكرة ربنا هيهديني من بكرة هبدأ أصلي من بكرة
لان ممكن ما تلحقش بكرة اللي بتتكلم عنه
ربنا جميل بجد ورضي ربنا والله أهم من أي
شئ
والأخرة هي الدار الأخرة هي البداية الحقيقية
أما الدنيا فانية وزايلة
أحنا جايين ضيوف علي الدنيا دي خلينا أفضل
ضيوف خفاف
أعمل اللي يرضي ربنا مش يرضي البشر
أقف, واجه , خليك مع الحق ،
كلمة الحق أمام الجميع قولها وبأعلي صوت
أوعا تظلم علشان هيجي اليوم اللي هتتظلم فيه
أوعا تجي علي حق حد هيجي اليوم اللي
هيجي حد عليك زي ما جيت أنت عليه
حط نفسك مكان الشخص هترتاح لو حطيت
نفسك مكانه في موقف ما هل أنت كنت
هتتحمل اللي هو أتحمله بس ما حدش بيحس
بحد غير الشخص نفسه
يارب كل الناس تحب الخير لغيرها
تسعد لسعادة غيرها
صلة الرحم ترجع زي زمان
الأهتمام بأي شخص محتاجلك
عامل الناس زي ما تحب أنهم يعاملوك
راعي ضميرك في أي شئ
حاسب نفسك كل يوم بالليل
أكل الحقوق حرام
أشتغل وأسعي علشان ربنا يكرمك السعي حلو
أي شاب أو يراجع يراعي ربنا في الست اللي معاه واي ست برضه تراعي ربنا في الراجل اللي معاها
زوجك او زوجتك اهم حاجه في الدنيا الزواج
ميثاق غليظ وجعلنا بينهم مودة ورحمة
دا كلام رب العباد
القرآن ذكر كل حاجه أرجع إلي كتاب الله في اي شئ بدل ما ترجع لبشر يضلك
ربنا يحسن ختامنا يارب وختام المسلمين جميعا
ليست هناك تعليقات:
إرسال تعليق