تشيز كيك بطعم مختلف مقدم من الشيف المبدعة اميرة سعيد _موقع واذاعة اخبار العرب

اسم الوصفه :تشيز كيك باطعم مختلفه
وصفه بستغل فيها كل بواقي الكيك اللي عندي
مده التحضير :١٥دقيقه
المكونات
بواقي كيك ريد فليفت
بواقي شوكليت كيك
بسكوت اوريو مفتت
بسكوت عادي مع سوداني مفروم
كريمه نيوتيلا
كريمه تشيز كيك
صوص فراوله /صوص كراميل /صوص شيكولاته
الطريقه
بنفرفت كيك ريد فليفت ونعمل طبقات مع كريمه التشيز كيك عباره عن ٣قطع جبنه /كوب كريمه مخفوقه /م زبده /رشه فانيليا وبنعمل طبقه كيك وطبقه كريمه واخر طبقه صوص فراوله عباره عن نص كيلو فراوله ع النار مع ربع كوب سكر ع نار هادئه ولما تغلي نذوب معلقه نشا وننزل بيها ع الفراوله لحد متتقل معانا
بنفرفت كيك الشيكولاته وبنعمل كريمه نيوتيلا عباره عن كوب كريم شانتيه بودر وربع كوب سكر بودرة ومعلقتين نيوتيلا وبنعمل طبقات كيك وكريمه واخر طبقه صوص شيكولاته
بسيح شيكولاته ع حمام مائي
بسكوت اوريو بنطحنه من غير زبده وبنعمل طبقات من البسكوت والكريمه
بسكوت ساده مفروم مع سوداني مفروم من غير زبده ونعمل طبقات من البسكوت والكريمه واخر صوص كراميل عباره عن كوب سكر ع النار لحد ميذوب وننزل بكوب من الكريمه او اللبن ومعلقه كبيرة زبده ونقلب لحد ميتقل معانا