أفكار التوفير وظبط الميزانية
بقلم ندى العسال
مساء التوفير والرزق الكتير💟
♥♥♥
التوفير لازم يكون اسلوب حياه مش عشان احنا آخر الشهر او الحاجه غاليه التوفير لازم يكون هدف وغايه واسلوب مش بخل واستخساروالشطاره ان اكفى بيتى واخليه مش ناقصه حاجه وفى نفس الوقت امشى بميزانيتى المحدوده
اولا :: ملف توفير المنظفات المنزليه :
دورى عندك فى المنطقه اكيد فيه واحد بتاع منظفات كويس عنده صابون سايب كويس 3 ك بيكفوا الشهر كله
اشترى الكلور سايب 3 كيلو يكفوا الشهر
عدد2 ليفه اطباق ----- عدد 2 سلك استانلس
ثانيا ::: ملف توفير المواد الغذائيه
1- عمل قائمه اسبوعيه بالاكلات اللى عايزه تعمليها
2- تفريغ القائمه فى ورقه علشان تعرفى انت محتاجه تشترى ايه
3- مرى كل اسبوع على دولايب المطبخ والثلاجه والفريزر عشان تعرفى ايه اللى عندك ناقص وايه اللى عندك وقرب يخلص او حاجه انت ناسياها وتاريخ صلاحيتها انتهى او قرب
4- الحاجه اللى تشتريها نظفيها وشيليها على طول علشان ما تبوظش منك
5- لما تشترى لحمه اغسليها واسلقيها مره واحده وقسميها على عدد الوجبات فى علب وحطيها فى الفريزر توفرى فى الغاز والوقت والجهد
6- اسلقى كميه من اللوبيا والفاصوليا وقسميها على اكياس وحطيها فى الفريزر تكسبى وقت وتوفرى الغاز ( الفكره ان كميه الغاز المستخدمه لسلق ربع كيلو هى الكميه المستخدمه لسلق كيلو )
7- لو الفرخه كبيره شويه ممكن تقسميها على 8 قطع واعمليها على مرتين
8- كيلو البانيه ممكن يعمل 4 وجبات ( 2وجبه بانيه × 8 قطع + 2 وجبه كفته فراخ )
9- اللحم المفروم ممكن تضيفى له جزر مبشور وبصل وفلفل رومى لزياده الكميه ورفع قيمته الغذائيه
10- اشترى الوراك اوفر فى السعر وعاده الوراك بتكون كبيره وممكن تقسمى الورك على اثنين
11- عمل الطحينه فى المنزل ( كوب سمسم مطحون ناعم + كوب دقيق + كوب زيت )
12- عمل المربى فى البيت فى موسم الفاكهه
13- عمل صلصه الطماطم فى المنزل لما الطماطم سعرها ينزل
14- تخزين بعض انواع الخضار فى مواسمها
15- فرم البصل ( كميه محترمه ) فى الكبه مع 1/2 معلقه فلفل اسود وحطيه فى الفريزر وخذى منه على قد الاكله علشان ما تهدريش بصله كبيره وانت عايزه حته صغيره وكذلك التوم
16- بواقى الاكل وماادراك ما بواقى الاكل لو فاض منك شويه خضار حطيه فى علبه على الفريزر على طول ولا من شاف ولامن درى اكيد ها تستعمليه فى يوم زنقه.
17- اعملى الفول المدمس فى البيت والبليله وحمص الشام والزبادى واللبن الرايب والكاتشب والمايونيز والسحلب كل الحاجات دى ها تلاقى طرقها على النت شغلى دماغك يامامى
تدميس الفول :
المقادير :ـ
نصف كيلو فول تدميس
(ونختار وأحنا بنشتريه الفول يكون كبير ولونه فاتح ويكون فول مكمور
لما تروحى عند العلاف قوليله عايزة فول تدميس مكمور
واسمه كده علشان هو بيتعرض للحرارة شويه
عشان يعيش وما يبوظ وهو بيكون اغلى من الفول الغير مكمور وطبعا هو فول بلدى)
وده بيكون طعمه أحلى فى التدميس
وممكن تشترى أكياس بس تبصى فيه كويس أحسن ساعات بيبقى (مسوس)
2 ملعقة كبيره عدس أصفر
2 ملعقة كبيره فول مدشوش او أرز
2 ليمونه
الطريقه
ننقع الفول لمده يوم وذلك لنزول المواد الضاره الموجوده به
بعدين تغسليه تانى وتغيري الميا ونضعه على النار فى الدماسه واللى معندهاش مفيش مشكله
تضعه فى حله عادى بس تكون عميقه وغطاها محكم .
حتى يغلى لمده عشر دقائق
وتحطى 3/4 ماء مغلية وبعدين توطى زى الشمعة
ثم نضيف العدس بعد غسله والفول المدشوش( أو الارز) كمان بعد غسله...
ونتركه حتى يغلى لمدة 3 دقائق .
ثم نعصر الليمون والليمون هو اللى ما بيخليش الفول يسود
وكمان نضع القشره بتاعت الليمون أيضا فى الفول
(ممكن ليمونه سليمه بدل القشر
.وقشر الليمون ميخليش طعمه ممرر .
ثم ننقله على أصغر عين فى البوتجاز ونضع تحته الصفيحة بتاعت الارز
ونتركه حوالى من 4 الى 5 ساعات .
وطبعا نتابعه على النار عشان لو الميه قلت نغلى ميه ونضعها عليه
وأوعى تحطيها ساقعه من غير تسخين
أحسن الفول بيتاخر فى السواء وكمان يسود...
وبعد ما يستوى الفول أطفى النار
وأترك الفول يبرد وأضعه فى أكياس نايلون
بكميه مناسبه لعدد أفراد الاسره وعلى الفريزر
لان تدميس نصف كيلو هيكون كميه كبيرة على يوم واحد...
18- استعملى الجبن القريش واشتريها من الفلاحين مش من السوبرماركت عشان ارخص وتقدرى تعملى منها حاجات كتير زى حشوه الفطاير او حطى عليها نعناع او طماطم او فلفل او زعتر
19 - ممكن تستغلى العروض الكبيره او تشترى من محل جمله وتقسمى مع اختك او واحده صاحبتك العرض 20- لاتستسلمى لاغراء عروض السوبر ماركت اكتبى ما تحتاجيه فى ورقه واشترى فقط ما تحتاجيه فعلا ادخلى على عروض نت واعرفى العروض المتاحه فى السوبر ماركت واعملى قايمه مشترياتك وانت فى البيت قبل ما تروحى علشان تظبطى ميزانيتك
21-امتنعى تماما عن الاكل الجاهز والدليفرى واصنعى فى البيت البيتزا والهامبرجر والسندوتشات
22- تعلمى صنع الحلويات فى المنزل ولو حتى البسيطه زى البسبوسه والكنافه والجلاش والكيك وشويه شويه جربى حاجات تانيه
23- اعملى حصاله وشيلى فيها كل يوم 2 او 3 ج فكه اعتبريهم مش موجودين هاتلاقى اخر الشهر مبلغ استغليه فى اى حاجه
24- وفري في الجبنة الرومي واعملي اكلك استعملي كسر رومى أو بواقي رومى الكيلو
بجيب كمية 2 ك مثلا
وأقعد كدة فى وقت فاضى وأحط حبة حبة فى الكبة وأبشرهم ناعم جدا وأعبيهم فى علبة بلاستك كبيرة وأحطها فى الفريزر
وقبل الأستخدام بطلع علبتى من الفريزر قبلها بساعة
بعمل بيها أحلى بيتزا مع حبة جبنة موتزريلا صغننين
بعد ما أقلى البيض أرش كبشة علية وهو لسة سخن ومحطش ملح لان ملح الجبنة كافى وبيبقى أحلى عشى
بعد ما تحمرى البطاطس وهيا سخنة رشى كبشة عليها ومتحطيش ملح برضة ودوقى الطعم الجبار
هاتى من فرن الفينو نص كيلو عجينة فينو وأعملى أشكال فينو زى ما أنتى عايزة وأحشيها بالجبنة بتاعتنا وأدهنى صنية زيت ودخليها الفرن وبجد مفيش عشى أطعم
أحشى بيها جلاش
أحشى بيها سمبوسك
أحشى بيها قطايف
حطي حبة منها فى قلب صلصة البشاميل بعد ما يخلص وهو سخن ودوقى المكرونة بالبشاميل بتبقى عاملة ازاى بس خدى بالك من الملح زى ما قولت لان الجبنة مملحة
هاتى كيلو بطاطس مسلوقة وأهرسيهم مع نص كيلو لبن وكوبايتين من الجبنة بتاعتنا بدون أى أضافات تانية وبدون ملح برضة وبططيهم فى صنية ودخليها الفرن لحد ما الوش يحمر ودوقى الصنية الرهيبة دى مش محتاجة حاجة جمبها
أسلقى مكرونة شكلها حلو فيونكة مثلا وحطى عليها معلقة زبدة سايحة ونص كوب جبنة من بتاعتنا وقلبيها وقدمى المكرونة دى جمب فيلية فراخ مثلا أو كفتة أو أى حاجة
ثالثا :: ملف توفير الغاز والكهرباء
1- النصيحه القديمه لانج والمعتاده استعملى اللمبات النيون الموفره
2- استعملى اباجوره فى الليفنج وبلاش النجفه ام تلات ادوار
3- عودى الاولاد على اطفاء الانوار عند خروجهم من الغرفه
4- اكتر اجهزه بتسحب كهرباء هى السخان والمكواه والفرن الكهربائى وسخان الغساله وبراد الشاى الكهربائى
5- عند تشغيل احد من هذه الاجهزه راعى ان تكون الاضاءه فى الشقه قليله علشان العداد ما يجريش بسرعه وتدخلى فى شريحه استهلاك كبيره
6- شغلى السخان اثناء فتره الليل بعد النوم تكون الاضاءه معدومه تقريبا ويكون الاستهلاك قليل
7- اتبعى نفس التعليمات عند تشغيل المكواه راعى ان يكون الاستهلاك ضعيف وحضرى الملابس كلها المراد كويها جنبك
8- لو عندك بوتاجازاشعال ذاتى خير وبركه ولو بستعملى كبريت مافيش داعى انك تستعملى كل مره عود جديد احتفظى بالعود المطفى فى علبه واستخدميه فى اشعال شعله البوتاجاز لو فيه عين شغاله
9- لاتستعملى الميه السخنه فى غسيل الاطباق فقط حطى ميه سخنه فى علبه مع الصابون السائل للغسيل واشطفى بالماء البارد وعلى فكره الميه السخنه ضاره جدا على اليدين
10- لو بتعملى شاى وبتغلى ميه على النار ممكن تزودى ميه وتشيلى الباقى فى ترمس الشاى وتستعمليه مره تانيه
11- لو عايزه تعملى فراخ فى الفرن ممكن تسلقى الفراخ نص سلقه فى الاول وتكملى السوا فى الفرن بنفس الوصفه الاصليه وتبقى وفرتى غاز وعملتى شوربه تستفيدى منها وممكن تشليها فى الفريزر بتفك زنقات كتير ونفس الحكايه مع كل صوانى الفرن
12- اغسلى على البارد واذا حابه انك تغلى الابيض ممكن تنقعيه فى ميه سخنه وشويه مسحوق وكلور من باليل وتحطيه عادى فى الغسالة.
مدير قسم مملكتى بموقع اذاعة اخبار العرب ا هبة متولى
بقلم ندى العسال
مساء التوفير والرزق الكتير💟
♥♥♥
التوفير لازم يكون اسلوب حياه مش عشان احنا آخر الشهر او الحاجه غاليه التوفير لازم يكون هدف وغايه واسلوب مش بخل واستخساروالشطاره ان اكفى بيتى واخليه مش ناقصه حاجه وفى نفس الوقت امشى بميزانيتى المحدوده
اولا :: ملف توفير المنظفات المنزليه :
دورى عندك فى المنطقه اكيد فيه واحد بتاع منظفات كويس عنده صابون سايب كويس 3 ك بيكفوا الشهر كله
اشترى الكلور سايب 3 كيلو يكفوا الشهر
عدد2 ليفه اطباق ----- عدد 2 سلك استانلس
ثانيا ::: ملف توفير المواد الغذائيه
1- عمل قائمه اسبوعيه بالاكلات اللى عايزه تعمليها
2- تفريغ القائمه فى ورقه علشان تعرفى انت محتاجه تشترى ايه
3- مرى كل اسبوع على دولايب المطبخ والثلاجه والفريزر عشان تعرفى ايه اللى عندك ناقص وايه اللى عندك وقرب يخلص او حاجه انت ناسياها وتاريخ صلاحيتها انتهى او قرب
4- الحاجه اللى تشتريها نظفيها وشيليها على طول علشان ما تبوظش منك
5- لما تشترى لحمه اغسليها واسلقيها مره واحده وقسميها على عدد الوجبات فى علب وحطيها فى الفريزر توفرى فى الغاز والوقت والجهد
6- اسلقى كميه من اللوبيا والفاصوليا وقسميها على اكياس وحطيها فى الفريزر تكسبى وقت وتوفرى الغاز ( الفكره ان كميه الغاز المستخدمه لسلق ربع كيلو هى الكميه المستخدمه لسلق كيلو )
7- لو الفرخه كبيره شويه ممكن تقسميها على 8 قطع واعمليها على مرتين
8- كيلو البانيه ممكن يعمل 4 وجبات ( 2وجبه بانيه × 8 قطع + 2 وجبه كفته فراخ )
9- اللحم المفروم ممكن تضيفى له جزر مبشور وبصل وفلفل رومى لزياده الكميه ورفع قيمته الغذائيه
10- اشترى الوراك اوفر فى السعر وعاده الوراك بتكون كبيره وممكن تقسمى الورك على اثنين
11- عمل الطحينه فى المنزل ( كوب سمسم مطحون ناعم + كوب دقيق + كوب زيت )
12- عمل المربى فى البيت فى موسم الفاكهه
13- عمل صلصه الطماطم فى المنزل لما الطماطم سعرها ينزل
14- تخزين بعض انواع الخضار فى مواسمها
15- فرم البصل ( كميه محترمه ) فى الكبه مع 1/2 معلقه فلفل اسود وحطيه فى الفريزر وخذى منه على قد الاكله علشان ما تهدريش بصله كبيره وانت عايزه حته صغيره وكذلك التوم
16- بواقى الاكل وماادراك ما بواقى الاكل لو فاض منك شويه خضار حطيه فى علبه على الفريزر على طول ولا من شاف ولامن درى اكيد ها تستعمليه فى يوم زنقه.
17- اعملى الفول المدمس فى البيت والبليله وحمص الشام والزبادى واللبن الرايب والكاتشب والمايونيز والسحلب كل الحاجات دى ها تلاقى طرقها على النت شغلى دماغك يامامى
تدميس الفول :
المقادير :ـ
نصف كيلو فول تدميس
(ونختار وأحنا بنشتريه الفول يكون كبير ولونه فاتح ويكون فول مكمور
لما تروحى عند العلاف قوليله عايزة فول تدميس مكمور
واسمه كده علشان هو بيتعرض للحرارة شويه
عشان يعيش وما يبوظ وهو بيكون اغلى من الفول الغير مكمور وطبعا هو فول بلدى)
وده بيكون طعمه أحلى فى التدميس
وممكن تشترى أكياس بس تبصى فيه كويس أحسن ساعات بيبقى (مسوس)
2 ملعقة كبيره عدس أصفر
2 ملعقة كبيره فول مدشوش او أرز
2 ليمونه
الطريقه
ننقع الفول لمده يوم وذلك لنزول المواد الضاره الموجوده به
بعدين تغسليه تانى وتغيري الميا ونضعه على النار فى الدماسه واللى معندهاش مفيش مشكله
تضعه فى حله عادى بس تكون عميقه وغطاها محكم .
حتى يغلى لمده عشر دقائق
وتحطى 3/4 ماء مغلية وبعدين توطى زى الشمعة
ثم نضيف العدس بعد غسله والفول المدشوش( أو الارز) كمان بعد غسله...
ونتركه حتى يغلى لمدة 3 دقائق .
ثم نعصر الليمون والليمون هو اللى ما بيخليش الفول يسود
وكمان نضع القشره بتاعت الليمون أيضا فى الفول
(ممكن ليمونه سليمه بدل القشر
.وقشر الليمون ميخليش طعمه ممرر .
ثم ننقله على أصغر عين فى البوتجاز ونضع تحته الصفيحة بتاعت الارز
ونتركه حوالى من 4 الى 5 ساعات .
وطبعا نتابعه على النار عشان لو الميه قلت نغلى ميه ونضعها عليه
وأوعى تحطيها ساقعه من غير تسخين
أحسن الفول بيتاخر فى السواء وكمان يسود...
وبعد ما يستوى الفول أطفى النار
وأترك الفول يبرد وأضعه فى أكياس نايلون
بكميه مناسبه لعدد أفراد الاسره وعلى الفريزر
لان تدميس نصف كيلو هيكون كميه كبيرة على يوم واحد...
18- استعملى الجبن القريش واشتريها من الفلاحين مش من السوبرماركت عشان ارخص وتقدرى تعملى منها حاجات كتير زى حشوه الفطاير او حطى عليها نعناع او طماطم او فلفل او زعتر
19 - ممكن تستغلى العروض الكبيره او تشترى من محل جمله وتقسمى مع اختك او واحده صاحبتك العرض 20- لاتستسلمى لاغراء عروض السوبر ماركت اكتبى ما تحتاجيه فى ورقه واشترى فقط ما تحتاجيه فعلا ادخلى على عروض نت واعرفى العروض المتاحه فى السوبر ماركت واعملى قايمه مشترياتك وانت فى البيت قبل ما تروحى علشان تظبطى ميزانيتك
21-امتنعى تماما عن الاكل الجاهز والدليفرى واصنعى فى البيت البيتزا والهامبرجر والسندوتشات
22- تعلمى صنع الحلويات فى المنزل ولو حتى البسيطه زى البسبوسه والكنافه والجلاش والكيك وشويه شويه جربى حاجات تانيه
23- اعملى حصاله وشيلى فيها كل يوم 2 او 3 ج فكه اعتبريهم مش موجودين هاتلاقى اخر الشهر مبلغ استغليه فى اى حاجه
24- وفري في الجبنة الرومي واعملي اكلك استعملي كسر رومى أو بواقي رومى الكيلو
بجيب كمية 2 ك مثلا
وأقعد كدة فى وقت فاضى وأحط حبة حبة فى الكبة وأبشرهم ناعم جدا وأعبيهم فى علبة بلاستك كبيرة وأحطها فى الفريزر
وقبل الأستخدام بطلع علبتى من الفريزر قبلها بساعة
بعمل بيها أحلى بيتزا مع حبة جبنة موتزريلا صغننين
بعد ما أقلى البيض أرش كبشة علية وهو لسة سخن ومحطش ملح لان ملح الجبنة كافى وبيبقى أحلى عشى
بعد ما تحمرى البطاطس وهيا سخنة رشى كبشة عليها ومتحطيش ملح برضة ودوقى الطعم الجبار
هاتى من فرن الفينو نص كيلو عجينة فينو وأعملى أشكال فينو زى ما أنتى عايزة وأحشيها بالجبنة بتاعتنا وأدهنى صنية زيت ودخليها الفرن وبجد مفيش عشى أطعم
أحشى بيها جلاش
أحشى بيها سمبوسك
أحشى بيها قطايف
حطي حبة منها فى قلب صلصة البشاميل بعد ما يخلص وهو سخن ودوقى المكرونة بالبشاميل بتبقى عاملة ازاى بس خدى بالك من الملح زى ما قولت لان الجبنة مملحة
هاتى كيلو بطاطس مسلوقة وأهرسيهم مع نص كيلو لبن وكوبايتين من الجبنة بتاعتنا بدون أى أضافات تانية وبدون ملح برضة وبططيهم فى صنية ودخليها الفرن لحد ما الوش يحمر ودوقى الصنية الرهيبة دى مش محتاجة حاجة جمبها
أسلقى مكرونة شكلها حلو فيونكة مثلا وحطى عليها معلقة زبدة سايحة ونص كوب جبنة من بتاعتنا وقلبيها وقدمى المكرونة دى جمب فيلية فراخ مثلا أو كفتة أو أى حاجة
ثالثا :: ملف توفير الغاز والكهرباء
1- النصيحه القديمه لانج والمعتاده استعملى اللمبات النيون الموفره
2- استعملى اباجوره فى الليفنج وبلاش النجفه ام تلات ادوار
3- عودى الاولاد على اطفاء الانوار عند خروجهم من الغرفه
4- اكتر اجهزه بتسحب كهرباء هى السخان والمكواه والفرن الكهربائى وسخان الغساله وبراد الشاى الكهربائى
5- عند تشغيل احد من هذه الاجهزه راعى ان تكون الاضاءه فى الشقه قليله علشان العداد ما يجريش بسرعه وتدخلى فى شريحه استهلاك كبيره
6- شغلى السخان اثناء فتره الليل بعد النوم تكون الاضاءه معدومه تقريبا ويكون الاستهلاك قليل
7- اتبعى نفس التعليمات عند تشغيل المكواه راعى ان يكون الاستهلاك ضعيف وحضرى الملابس كلها المراد كويها جنبك
8- لو عندك بوتاجازاشعال ذاتى خير وبركه ولو بستعملى كبريت مافيش داعى انك تستعملى كل مره عود جديد احتفظى بالعود المطفى فى علبه واستخدميه فى اشعال شعله البوتاجاز لو فيه عين شغاله
9- لاتستعملى الميه السخنه فى غسيل الاطباق فقط حطى ميه سخنه فى علبه مع الصابون السائل للغسيل واشطفى بالماء البارد وعلى فكره الميه السخنه ضاره جدا على اليدين
10- لو بتعملى شاى وبتغلى ميه على النار ممكن تزودى ميه وتشيلى الباقى فى ترمس الشاى وتستعمليه مره تانيه
11- لو عايزه تعملى فراخ فى الفرن ممكن تسلقى الفراخ نص سلقه فى الاول وتكملى السوا فى الفرن بنفس الوصفه الاصليه وتبقى وفرتى غاز وعملتى شوربه تستفيدى منها وممكن تشليها فى الفريزر بتفك زنقات كتير ونفس الحكايه مع كل صوانى الفرن
12- اغسلى على البارد واذا حابه انك تغلى الابيض ممكن تنقعيه فى ميه سخنه وشويه مسحوق وكلور من باليل وتحطيه عادى فى الغسالة.
مدير قسم مملكتى بموقع اذاعة اخبار العرب ا هبة متولى
ليست هناك تعليقات:
إرسال تعليق