سويسرول ريد فيلفيت مقدمة من الشيف اسلام عصفور _موقع واذاعة اخبار العرب

سويسرول ريد فيلفيت
مقدم من إسلام عصفور
مده التحضير 10 دقايق
مده الطهى من 10 إلى 15 دقيقة

الطريقة

3 بيض حجم كبير معلقة صغيره فانيليا
ونضرب بالمضرب الكهربا 5دقايق
ونضيف كوب إلا ربع سكر ونضرب
كويس لما الخليط يبقى كريمى
 نضيف ربع كوب لبن رايب
(أو حليب ) ونضرب
 ونضيف ربع كوب زيت ونضرب كويس
 ونضيف 2 معلقة كبيره لون أحمر
(ونقدر نتحكم فى درجه اللون زى ما تحبو)
ونضرب لما نخلط اللون كويس

ونكون ناخلين كوب الإربع دقيق
وربع كوب كاكاو ومعلقه صغيره بيكنج بودر (إختيارى ممكن منضفش )
ونضيف الدقيق للخليط شويه بشويه
ونقلب من تحت لفوق
وآخر خطوه ربع معلقة صغيره بيكربوناتو
 نحط عليها معلقة صغيره خل تفور
نضفها للخليط ونقلب كويس

وندهن صاج زيت ونفرد فيه ورقه زبدة
ونحط الخليط وندخله الفرن على 180

بياخد حوالى 10 دقايق ونطفى عليه
ونسيبها فى الفرن 5 دقايق ونطلعها
نفرد ورقه زبدة ونرش عليها سكر بودرة

ونقلب عليها الكيكة ونلفها رول مع الورقه
 ونحطها فى فوطه وندخلها التلاجه

 لما تبرد نطلعها نفتحها براحة ونحط الحشو
 ونلف تانى وممكن نغلفها من بره بكريمه
أو نسيبها كده والتزين الخارجى زى ما تحبو

كريمه التزين
كوب كريمه حلويات ومعلقتين سكر بودرة نضربهم كويس لما تبتدى تتقل
 نضيف 6 قطع جبنة كيرى ونضرب كويس ونضيق معلقتين لبن بودرة
 ونضرب كويس وممكن نضيف كيس كريم شانتيه ونحشى السويسرول ونغلفه من بره