طريقه عمل الزلابية المقرمشه

❤
الزلابية المقرمشه 

من ايدين نونا المأذونة العسل 😂😂
مقدم من المتميزه شيماء صبري
المقادير.
كوب وربع دقيق
كوب ماء دافي
٣ معالق ك نشا
رشة ملح
معلقة سكر
٢ معلقه ك زيت .
معلقه خميرة فورية او قطعه اقل من عين الجمل حبة.
❤❤الشربات ياشربتات
في حله صغيورة عالنار حطي كوب سكر ونص كوب ماء ولما يغلوا ضيفي عصرة ليمون.يتقل الشربات طفي النار وضيفي كيس فانيلا وقلبيه وخلاويص كدة.
💚💚الطريقة:
دفي الفرن..
اخلطي كل المقادير كويس لحد ما تديكي عجينه لاهي سايله ولا هي جامدة ولو لقيتيها جامدة ضيفي مية لو سايله ضيفي دقيق ..بس ان شاء الله المقدار يطلع مظبوط.
...❤❤.سيبيها تخمر فالفرن الدافي .
بعد ما تخمر هبطيها بايدك او بمعلقه ..لحد ماتعلا بس متخمريهاش زيادة علشان طعم الخميرة ميبانش فيها.
سخني زيت غزير في طاسة
حضري جنبك بوله فيها زيت
هدي بقي عالزيت شوية
بلي معلقه صغيرة زيت وخدي من العجينه وانزلي عالزيت السخن لحد ما تملي الطاسه وتكون ايدك وعينك شغالين علشان بتستوي بسرعه
.❤❤..قلبيها طبعا وطلعيها نص سوا يعني يكون لونها اشقر ...
..❤❤...خلصي باقي المقدار بنفس الطريقه ....
...❤❤....رجعي بقي الزلابيه تاني للطاسه وقلبيها بخفه وبسرعه لحد ماتاخد اللون الدهبي وطلعيها تتصفي من الزيت وانزلي عليها بالشربات ياشرباااات....
...💚💚...طعمها تحفه ومقرمشة من برة وطرية ولذيذة من جوة😂😂
....سهله ولذيذة ورخيصة وبنت ناس
اسم الله عليا يا ولاد.🤣🤣🤣
رئيسه قسم فتافيت السكر لموقع واذاعه اخبار العرب الشيف / ايمان شلبي