بقلم ندى العسال
لازم تكوني نظيفة فلة😍
سواء بنوتة آنسة مدام او جوزك موجود معاكي أو لا😊
💙لازم عالأقل تستحمي مرتين بالأسبوع هتقولي برد وتلج هقولك استحمي عادي بمياه دافية وقبل ماتخرجي اتوضي بمياه ساقعة ونشفي كويس وغطى شعرك بالفوطةبعد ما تكونى عصرتيه من الميه وتنشفي ودانك كويس وانتي في الحمام واطلعي اشربي مشروب ساخن☕
💙كل يوم لازم تغيري ملابسك الخارجية والداخلية
ماينفعش الجلابية او البيجامة اللى طبختى وغسلتي مواعين ونظفتي الشقة بيها تنامي بيها تحت البطانيه الجميلة وفوق الملاية النظيفة لو بتعملي كده مع الوقت هتكون ريحة الفرش لا يطاق
💙اليوم اللى مش هتستحمي فيه يبقي قبل النوم
ندخل نتشطف كويس ونغسل تحت الابط ونغسل كويس اوى تحت البيكني ونتوضا بذمه وضمير
💙ماينفعش بأي حال من الأحوال الغيارات الداخلية تقعد على الجسم أكتر من يوم... مش عاوزة اقولك ان فيه نساء لازم تغير الاندر اكتر من مرة باليوم... النظافه حلوة مفيش كلام 😊
💙لو عندك افرازات من غير كسوف جري اكشفي عند الطبيبة واتعالجي وهي حاجة بسيطة في الأول..
(المهم عايزة تبقي وردةمفتحة في البيت عطرهازاكي فواح)
💗بعد ماتستحمي او تتشطفي نحط كليوم مزيل عرق
( ممكن بيبي كريم بتاع الأطفال او مسك) 😍
💗تجيبي زجاجة زيت جونسون بتاع الأطفال
وحطي فيها مسك او زيت اي عطر تحبيه ورجيها كويس
وادهني جسمك كله بعد خروجك من الحمام...
مش هقولك على النعومة والريحة اللي تجنن😍
💗هاتى بقي اي كريم يقابلك على تسريحتك استخدميهم بدل الركنة دي وكترى تكسبي وادهني ايديك وكعب رجلك والبسي شرابك او لكلوكك وعلشان خاطري الشراب لازم يتغير باستمرار.... واللكلوك يتغسل كل كام يوم بلاش تقضي بيه كل موسم الشتاء من غير غسيل بيكمكم 😌
💗قبل النوم نغسل الاسنان بفرشاة ومعجون عشان التسوس وريحة الفم👄
💗خلصتي وبقيتي كيوت حطي بقى زبدة كاكاو على شفايفك او روج 💄
💗عايزة تكملي وتحطي احمر خدود وكحل هتبقي عروسه وقمر👰
💗 رشة برفان بقي أو اسبراي من اللى موجودين عندك
وبتحطيهم كل فين وفين👏
(يلا يا ملكة بقيتي قمر ١٤. كل يوم) 👍
💗اشربي مشروبك المفضل واقعدى كده اذكري الله شوية وهاتي كتابك او موبايلك📱
القواعد الأساسية للنظافة اليومية...ده الطبيعي اللي لازم نعمله 👏
💗فيه بقي بنات قمرات بتهتم بنفسها بأكتر من كده كريمات بقي ولوشن ومسكات وواووو بس احنا اتكلمنا ع اساسيات لازم نعملها كستات لازم نهتم بنفسنا الاهتمام بالنظافه مش هيفرق في صيف ولا شتا انتي انثي فلازم تكونى جميله مش تربطى نفسك بفصل معين لاء اربطى نفسك بالانثي اللي جواكى .
بالعربى تحياتى 😉
مدير قسم مملكتى بموقع اذاعة اخبار العرب ا. هبة متولى برئاسة الاستاذ حمدى محمد
ليست هناك تعليقات:
إرسال تعليق