مربى الجزر
مقدمه من هدى المنسى
مدة التحضير ساعه
مدة الطهى ساعه
المقادير
٢ كليو جزر حجم وسط
كليو الا ربع سكر
عصير ٢ ليمونه كبيره
معلقة جنزبيل كبيره
بشر برتقاله
فنجان سمسم محمر
حبة البركه وشوية قرفه للتزين الوجه
الطريقه
هنجيب الجزر ونغسله ونقشره ونبشره ونضع عليه السكر لمدة ساعه او ساعتين
انا حطيت كليو الا ربع علشان اصلا الجزر مسكر وما بحباش مسكره اوى بتبقى تحفه
ونضعها على البوتوجاز على نار هادية مع التقليب المستمر لحين السوى وتحسى انها بقى لها عقد شربات كده هنضيف عصير الليمون ومعلقة الجنزبيل وبشر البرتقاله وممكن اضافة عصير نفس البرتقاله بتبقى جميله اوى اوى ده كله قبل ما تكفى عنها بحوالى عشرة دقايق مع اضافة السمسم المحمر واطفى عنها والف الف هنا وشفا عليكم روعه بصراحه وتكونى مجهزه برطمانات نضيفه وناشفه واما عند الاكل تقديمها فى طبق هترشى عليها رشة قرفه للى عايز حسب الرغبه مع اضافة حبة البركه على الوجه واعمليها وادعيلى دعوه حلوه
ليست هناك تعليقات:
إرسال تعليق