الفسيخ
مقدم من هدى المنسى
مدة التحضير حوالى من ٤ الى ٥ ساعات على اما يتهوى
مدة التخليل ٨ ايام بس والله
المقادير
٢ كليو سمك بورى طازج
نصف كوب زيت
نصف كليو ملح خشن
بس مافيش اى ضافات تانيه بيبقى تحفه
الطريقه
هتيبى السمك وتغشلى الخياشيم كويس اوى وبعدين هتجيبى مصفه وتخلى الراس للاسفل وتحطى تحتها طبق علشان يصفى وفى البلاكونه حطيه فى الهوا وغطيه بمفرش علشان ما فيش حاجه تيجى عليه يتهوى ٣ الى ٤ ساعات كده وهتدخليه وترجعى تانى تطريه بايدك بس براحه اوى اوى علشان بطنه ما تتفتحش منك تمام هتجيبى الملح الخشن من عند العطار وتملى الخياشيم كويس وتدليكيه بشوية ملح وتجيبى كيسه نضيفه وترصيه وترشى حبه فوقه وحبه تحته وفى الاخر رشى عليه زيت وتجيبى علبه بلاستك محكمه وتحطيه فيها وفى نصف المده كده اقلبى الكيس على الناحيه التانيه وعن نفسى مش بحط اى اضافه تانيه خالص وعملناه الخميس بياكلو منه الجمعه اللى بعدها ده فى الشتا اما فى الصيف بعمله السبت ياكلوه الجمعه اه والله وبيبقى مستوى وجميل انا لقيت كل اصحابى منزلين الفسيخ قولت افكر اصحابى علشان شم النسيم كل سنه وانتم طيبين ويكفى ان بيتك يبقى مالوش ريحه لانك عاملاه على نضافه بلاش من بره يا جماعه بيبقى ريحته مش حلوه اعملى انتى فى البيت والف هنا وشفا عليكم روعه
ليست هناك تعليقات:
إرسال تعليق