الأربعاء، 21 نوفمبر 2018

العيش الفينو مقدم من الشيف المبدعه كريمه علي

مقدم من /كريمة علي
مده التحضير /15 دقيقه
مده الطهي /12 دقيقه
العيش الفينو الاقتصادي العادي خالص بتاع الفرن

اولا فيه حاجتين لنجاحه اولا تعجني كويس جدا جدا وتسيبيه يخمر كتير

المقادير
نص كيلو دقيق
معلقتين كبار سكر
معلقه كبيره خميرة فوريه
معلقه كبيره بيكنج بودر
رشه ملح
تلت كوب زيت
ماء للعجن حوالي كوب وربع
كيس لبن نيدو
اوعلبه زبادي اختياري
سمسم وحبه البركه
الطريقه
*******
لتعزيز الطعم يمكن اضافه زبادي ولبن بودر وممكن لا
هنجيب طبق غويط ونحط كل المكونات الجافه(دقيق وخميره وبيكنج وسكر وملح) ونقلب وبعدين تنزلي بنص كميه الزيت وتقلبي وبعدين نزلي المايه شويه شويه واعجني وخدي بالك فيه دقيق بيحتاج مايه اكتر يعني نص كيلو الدقيق هياخد من كوب ل كوب ونص مايه المهم تعجني لحد متلم وتحطي باقي الزيت وتعجني تاني اهم حاجه متزهقيش اعجني لحد متحسي ان قوام العجين بقي ناعم هيكون ملزق شويه عادي جدااا
غطيها بقي وسيبيها تخمر حوالي نص ساعه وبعدين تعملي العجينه رول كبير وتقسميها لكور متساويه وتغطي الكور وتسيبيها تخمر ربع ساعه وبعدين تجيبي كورة كورة وتفرديها وبعدين تلفيها حول نفسها اونشكل اشكال كتير كما موضح بالصور ونحطيها في الصينيه بتاعتك وتسيبيها تخمر تاني هتعلي وحجمها هيبقي الضعف

التسويه.
*******
 بقي هتدهني وش العيش لبن بفرشه كده ونرش سمسم وحبه البركه وتدخليه الفرن في النص علي درجه ١٨٠لمده نص ساعه واول مايطلع من الفرن تغطيه بقماشه عشان يفضل طري وجميل والف هنا

الكاتب : Batot Ahmed

هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص أو العديد من النصوص الأخرى إضافة إلى زيادة عدد الحروف التى يولدها التطبيق، إذا كنت تحتاج إلى عدد أكبر من الفقرات يتيح لك مولد النص العربى زيادة عدد الفقرات كما تريد، النص لن يبدو مقسما ولا يحوي أخطاء لغوية،

ليست هناك تعليقات:

إرسال تعليق

الاشتراك في: تعليقات الرسالة (Atom)

جميع الحقوق محفوظة لمدونة أخبار العرب 2013