ملاحظات بس مهمه جدا
الزبدة بتفرق جدا جدا جدا بالعجينه
تسيبى مكان كبييييير بين كل وحده لان غلطت وماعملتش حساب انه بيخمر اوى
بالفرشه تلمعيه شربات بيبق روعه او عسل ابيض وتخفيه
طبعا تأكيد كل مرة صينيه ميه سخنه بارضيه الفرن عشان للمخبوزات افضل طريه
المقادير
نص كيلو دقيق
نص كوب زبده
٢ بيضه
كوب لبن دافى
معلقتين سكر
رشه ملح
لمقدار الخميرة
معلقه خميرة كبيرة مع معلقه سكر مع معلفتين دقيق مع نص كوب دافئ وتدوبى كله ببعضه وتسبيها لحد ماتلاقى الخميره ارتفعت وموضحه بالصور حابه ماتضفيش معلقتين الدقيق براحتك بس بيساعدوا ف عمليه الخمر
هتجيبى نص كيلو دقيق مع رشه الملح مع معلقتين السكر وتقلبى وتنزلى بالبيضتين ونقلب وبعدين الزبدة وتدمجى كله ببعضه وتنزلى بمقدار الخميرة واخر حاجه اللبن بس مش تصبى الكوب كله لا وحده وحدة لحد ماالعجيته تظطبط وتسبيها تخمر نص ساعه وبعدين تشكليها موضحه بالصور وبعدين تسبيها تخمر نص ساعه كمان وتدهنى الوش ببيضه وفانبلا ومعلقه سكر
ودخليها على حرارة ١٨٠ تلت ساعه وبالف هنااول مايخرج تدهنى وشه شربات بيدى لمعه وطعم حلو اوى اوى اوى
ويخرج تحطيه بعلبه محكمه الغلق او تغطى بفوطه او تحطيه ببشنطه بلاستيك كدا بتحافظى عليه لاخر قطعه
ليست هناك تعليقات:
إرسال تعليق