تشكيلة من المخللات

الوصفه / تشكيله من المخللات

مقدمه من / الشيف مرمر
👌👌👌
بمناسبة قرب شهر رمضان الكريم
كل عام وانتم بالف خير 💖
اعملى كل أنواع المخللات في البيت

🌹🌹🌹🌹
ليمون معصفر _ليمون عادي _بصل  _ قرنبيط _خيار _جزر _شطه _ لفت_بتنجان

🌳 الليمون المعصفر  السريع 🌳
كيلو ليمون _عصفر _حبة البركة _ملح _  كوب عصير ليمون شطه حمرا مفرومه _زيت
اسلقى الليمون نص سلقه ولما يبرد يضع فى ماء وينقع لمدة 3 ايام مع تغير الماء  وبعدين افتحيه أربع أرباع واخلطى باقى المكونات واحشيه ورصيه فى برطمان  وحطى عصير الليمون وكمليه مايه ورشى على وشه زيت واقفليه كويس تقدرى تفتحى عليه بعد أسبوعين هيكون استوى

🍋 الليمون  الاصفر او الاخضر �🍋
كيلو ليمون _ملح _ شطه حمرا مفرومه _ او قرون شطه خضراء
يغسل الليمون ويسلق نصف سلقه
ثم يصفى من الماء ويترك ليبرد تماما ثم بضع فى الماء  وغيرى المايه على مدار اليوم حوالى 3 مرات لمده 5 ايام علشان ينزل كل المراره اللى فيه وتكلى احلى مخلل ليمون    وهاتى برطمان  وانزلى بالليمون وكملى البرطمان مايه ملح وشطه او قرون شطه  واقفليه كويس هيستوى بعد 10 ايام
🍋🍋🍋🍋🍋🍋🍋
💥طريقتين فى تخليل البصل 💥

الطريقه الاولى
2 كيلو بصل _ لكل كوب من الماؤ معلقه كليره من الملح الخشن _١/٢ كوب  خل _ شطه حمرا مفرومه + معلقة سكر
فى حله على النار  اغلى ماء وانزلى بالبصل اطفي النار و سبيه فى الحله لحد الميه ما تبرد وبعدين قشريه وهاتى برطمان وحطى فيه ملح وخل وشطه حمراء مفرومه وحطى البصل واتوصى شويه بالخل بيستوى بعد أسبوعين

الطريقه الثانيه
كيلو بصل صغير الحجم
لكل كوب من الماء معلقه من الملح الخشب ١/٢ كوب خل + 3 ورقات لورا + فلفل اخضر او احمر حامى + معلقة سكر
المرحله الاول
يرص البصل فى برطمان ويضع عليه ماء  معلقة ملح  ويضع فى الشمش ( فى البلكونه معرض للشمس) لمدة 5 ايام
المرحله التانيه
بعد الخمس ايام نقشر البصل ويضع فى البرطمان وعليه محلول التخليل ( عباره عن ماء وملح وخل وورق لورا) مع معلقة سكر ويغلق البرطمان جيدا ويترك لمدة 10 ايام
💥💥💥💥💥💥💥
💥االقرنبيط 💥
ثمرة قرنبيط _ ملح _ شطه حمرا مفرومه اخيارى
قطعى ورد القرنبيط وهاتى برطمان ودوبى الملح والشطه الحمراء وانزلى بورد القرنبيط وكملى البرطمان مايه واقفليه كويس بيستوى بعد اسبوع _ القرنبيط بيتخلل نى

🍃الخيار🍃


كيلو خيار _2 فص ثوم مفروم _ _خل _ ملح
هاتى برطمان ودوبى الملح والثوم والخل وانزلى بالخيار وكملى البرطمان مايه تقدرى تاكليه بعد يومين
☘☘☘☘☘☘
🍂الجزر🍂

2كيلو جزر _ملح _ خل _ شطه حمرا مفرومه
خرطى الجزر وهاتى برطمان ودوبى الملح والشطه والخل وانزلى بالجزر وكملى البرطمان مايه واقفليه كويس بيستوى بعد 10 ايام
🍂🍂🍂🍂🍂🍂

🌱الشطه الخضراء🌱
كيلو شطه خضراء _ملح _ شطه حمرا مفرومه
خرمى الشطه بالسكينه وهاتى برطمان ودوبى الملح والشطه الحمراء المفرومه وانزلى بالشطه الخضراء وكملى البرطمان مايه واقفليه كويس بيستوى بعد 10 ايام
🌿🌿🌿🌿🌿
🍁اللفت🍁

2كيلو لفت _ملح _ شطه حمرا مفرومه اخيارى
قطعى اللفت زى ما تحبى وهاتى برطمان ودوبى الملح والشطه الحمراء المفرومه وانزلى باللفت وكملى البرطمان مايه بيستوى بعد اسبوع لو اللفت لونه مش أحمر ممكن تحطى بنجر
🍁🍁🍁🍁🍁🍁🍁
🍆 البتنجان 🍆
كيلو بتنجان صغير _شطه خضراء  او حمرا _ ملح_ _ ثوم _ زيت
اسلقى الباذنجان نص سلقه غلوه واحده وافرمى الشطه الخضراء  او الحمرا مع الملح والثوم  وفتحى البتنجان واحشيه ورصيه فى برطمان او علبه  وكمليه مايه ورشى على وشه زيت بس احفظيه فى الثلاجة
ولو عوزاه زى المحلات احمر حطى ١/٤ معلقة لون احمر غذائي فى الميه ودوبيه
🍆🍆🍆🍆🍆🍆🍆
ملحوظة هامة جداً جداً جداً  جدااااا
* أى مايه بتستخدميها تكون مغليه من قبلها ولما تبرد تماما استخدميها في التخليل
* ضعى  معلقة كبيره  سكر الى اى مخللل علشان يحافظ عليه ويعطى القرمشه للمخلل
* لكل كوب ماء ضعى معلقة ملح كبيره ويستحسن يكون ملح خشن
* البرطمانات تكون مغسولة كويس وجافه
* ما تحطيش ايدك فى البرطمان خدى منه بالشوكه علشان ما يعملش ريم على الوش
* احفظى المخلل فى التلاجه
* هو البتينجان غالى بس نزلته للى حابه تعرف بيتخلل ازى
�