مده التحضير : ساعه
مده الطهى: ساعه
اسم الشيف :عبير سيد
المقادير
كيلو ممبار
كيلو طماطم معصوره ومتسبكه
كيلو الا ربع ارز مصرى
3حزمه خضره مشكله (كزبره -شبت - بقدونس)
2معلقه كبيره صلصه طماطم
2قرن فلفل مفروم حامى او بارد
نصف كوب صغير زيت
بصله كبيره مبشوره
نصف معلقه صغيره من
بهارات محشى - بهارات السبعه - قرفه ناعمه
كزبره ناشفه - نعناع ناشف - شطه اختيارى
ربع معلقه صغيره جنزبيل بودر
ملح حسب ما نحتاج
لتسويه الممبار : ميه مغليه ورق لورا حبهان
ملح فلفل اسود
طريقه التحضير
نغسل الممبار كويس جدا بعد كده نرش عليه معلقتين كباردقيق ومعلقه صغيره ملح وخل وعصير ليمون ونسيبه ساعه علشان نمنع منه اى ريحه زفاره بعد كده نرجع نغسله مره تانيه كويس جدا
نبتدى نعمل الخلطه نغسل الارز ونصفيه من الميه كويس ونضيف عليه البصله المبشوره والخضره المشكله وعصير الطماطم والصلصه والزيت والفلفل المفروم وكل البهارات اللى قولنا عليها ونقلب كله مع بعضه كويس جدا ونبتدى نحشى الممبار بايدينا او تجيبى قمع وتدخليه فى اول طرف الممبار وتحطى شويه ارز فى القمع وتدخلى الارز بخله رفيعه او بطرف المعلقه
نحضر حله نضع نصفها ميه بعد ما تغلى نضيف الحبهان والورق اللورا والملح والفلفل الاسود بعد كده ننزل بالممبار فى الشوربه واوحد واحده بعد خمس دقايق من الغليان نهدى النار عليه علشان مايفتحش منك فى الشوربه مهمه جدا نسيبه على نار هاديه لمده ساعه او على حسب ما يستوى بعد التسويه يتحمر فى الزيت
مراجعه
أميرة صيام
ليست هناك تعليقات:
إرسال تعليق