مدة التحضير : 30 دقيقة المقادير: صدر فرخه متقطع شرايح سميكه شويه بالطول التتبيله: بصله وسط مفرومه ناعم ملح وفلفل اسود بصل بودره توم بودره بابريكا شطه او هريسه شطه لو بتحبيه اسبايسي (اختياري) بهرات فراخ او لحمه كركم وده بيدي للأستربس لون حلو اووي 1/2 معلقه صغيره سكر التغليف: 2 او 3 كوب دقيق معلقتين كبار ممسوحين نشا فلفل اسود بهرات فراخ بصل وتوم بودره بابريكا رشه ملح معلقه صغيره مليانه بيكنج بودر ماء ساقع بتلج طريقه التحضير: 1_تنزيل كل مكونات التتبيله علي بعض وبعد كده نقلبهم كويس . 2_نحط عليهم صوابع الفراخ ونقلب كلو كويس مع بعض. 3_هنحطها في التلاجه اقل حاجه 4ساعات. 4_ بعد كده هنحط في بوله مايه ساقعه بقطع تلج وفي بوله غويطه تاني هنحط الدقيق والنشا والبيكنج بودر والتوابل. 5_نقلبهم كويس مع بعض وبعد كده ناخد واحد واحد من صوابع الاستربس ونحطها الاول في خليط الدقيق وبعد كده في المايه بتلج وبعدين في الدقيق . 6_ماتضغطيش عليها قلبيها بشكل غشوائي عشان التقليب بشكل عشوائي هو اللي بيديكي الطبقه اللي من بره مقرمشه . 7_هنعمل الحركه دي تلات مرات في واحده الاستربس الواحده لغايه مانخلص الكميه كلها. 8_ وبعد كده هنجيب زيت غزير ونخليه يسخن علي حراره متوسطه يسخن بس مايتقدحش وننزل بواحده واحده من وحدات الاستربس ونسيبهم لغايه مايخدوا اللون الدهبي الجميل من تحت وبعد كده نقلبهم النحيه التانيه وبعدين نطلعهم علي مناديل مطبخ ونقدمه مع كاتشب وبطاطس محمره وعيش فينو او كيزر او ممكن ارز ريزو او ارز ملون
مراجعة من الشيف: رانده عفيفي
ليست هناك تعليقات:
إرسال تعليق